VOV4.Sêdang - Hâi lơ 6/10, Viƀan kong pơlê Lâm Đồng ai mơ-éa hnê mơhno mâu khu râ, kơvâ cheăng, khu râ ƀă Viƀan mâu tơring, pơlê kong kơdrâm tung kong pơlê hbrâ pâk vaccine mơdât COVID-19 pâk ăm hên ngế. Viƀan kong pơlê Lâm Đồng pơcháu Khu pơkuâ ngăn pơkeăng ƀă khăm pơlât kong pơlê pơkuâ, tơrŭm ƀă mâu khu cheăng, kơvâ cheăng ƀă Viƀan mâu tơring, pơlê kong kơdrâm tung kong pơlê mơjiâng troăng, hbrâ tơmeăm khoăng, kơmăi kơmok, mơngế pêi pro tơdroăng pâk vaccine sap ing kố troh mơ’nui hơnăm 2021.

Lâm Đồng tiô tối hdrối pâk vaccine COVID-19 châ 70% pơ’leăng mâ mơngế a mơ’nui hơnăm kố

Rơtế amê, tơkŭm séa ngăn, chêh kơxô̆ mơngế ƀă chêh inâi tâi tâng mâu ngế châ kơjo pâk tiô pơkâ. Kong pơlê nếo tơdah châ 200 rơpâu kong kếo vaccine Vero Cell xua Khu xiâm pơkuâ ngăn pơkeăng ƀă khăm pơlât xing xoăng ƀă dế pêi pro pâk trum má 1 a mâu tơring, pơlê kong kơdrâm tung kong pơlê. Rơtế ƀă lối 233 rơpâu kong kếo vaccine hiăng châ pâk sap ing hdrối ƀă pơkâ pêi tiô tối hdrối xing xoăng mâu kơxô̆ vaccine COVID-19 tung la ngiâ, troh mơ’nui hơnăm kố, Lâm Đồng kô châ 70% pơ’leăng mâ kuăn pơlê lối 18 hơnăm châ pâk.

A Sa Ly tơplôu ƀă tơbleăng