VOV4.Sêdang - Kơxo lơ 28/9, hiăng tơkŭm po Roh mơgêi ƀă diâp pri roh tơ’noăng Droh rơtăm tơmiât pêi rơkê xua kong prâi 2021 tiô troăng mơ’no tơdrêng tung um tơvi. Roh tơ’noăng ‘’Droh rơtăm tơmiât pêi rơkê xua kong prâi’’ châ pêi pro sap ing hâi lơ 28/5/2021 ăm kuăn pơlê Việt Nam dế rêh ối tung tơnêi têa,  a hơnăm sap ing 16 – 25 hơnăm, xua Tíu xiâm Đoân droh rơtăm Kŏng san Hồ Chí Minh tơrŭm ƀă Tơdroăng mơnhông mơdêk dêi Khu lâp kong têa a Việt Nam tơkŭm po.

Khu tơkŭm po diâp pri ăm mâu ngế ki rơkê

Tơdroăng xiâm dêi roh tơ’noăng rơtâ tá mâu tơdroăng dó inâi Droh rơtăm ƀă mâu troăng pơtâng tối rơkê vâ mơdêk  tơdroăng tơmiât ‘na kong prâi; mâu troăng kơdroh kong prâi lơ kơdroh trếo hngêi nhĕng ki mơ’no lo pakong. Klêi kơ’nâi môi pơla mơnhên ƀă rah xo, khu châm điêm hiăng rah xo 10 khu tơ’noăng ƀă 10 troăng tơmiât pêi rơkê má môi vâ tơ’noăng tung roh chung kêt.

Ngoh Nguyễn Văn Hiển, tơdroăng pêi cheăng a đông mô đô̆i gak tơkăng kong Si Pa Phìn, Khu xiâm Mô đô̆i gak tơkăng kong Điện Biên hiăng rơkê châ kâ pri má môi roh tơ’noăng, châ tơdah ƀâng kheăn kơdeăn dêi Khu xiâm Đoân ƀă kơxô̆ liăn tŏng kum mơnhông mơdêk tuăn tơmiât kơnâ 50 rơtuh liăn.

A Sa Ly tơplôu ƀă tơbleăng