VOV4.Sêdang - Kơxo lơ 7 khế 9, a Cung Văn hoă Hưh ngh^, Hà Nội, Rơ’jíu Việt Nam po kân krip leh tơbâ 70 hơnăm hâi mơjiâng (lơ 7/9/1945-7/9/2015) [ă tơdah xo Mê dái Độc Lập ối má môi rôh má 2. Pôa Nguyễn Phú Trọng, kăn xiâm pơkuâ hnê ngăn cheăng Đảng tơnêi têa rơtế [ă hên mâu khu kăn pơkuâ cheăng Đảng, Tơnêi têa veăng troh. A rôh po leh, pôa Nguyễn Đăng Tiến, kăn xiâm pơkuâ Rơ’jiu Việt Nam hiăng pơchuât hlá  mơ-éa hơ’muăn tối ‘na khôi túa khên tơnôu tung pơla 70 hơnăm mơjiâng [ă mơnhông mơdêk dêi Rơ’jiu Việt Nam. Hâi kố, hlo mâu tơdroăng ki mơnhông mơdêk ó rơdêi dêi kông nghe# thông tin [ă hyôh rơ’jiu, internet  tung lâp plâi tơnêi, hlo mâu tơdroăng ki rế hía rế hêng vâ tơmâng ngăn dêi kuăn pơlê tung pơlê pơla. Rơ’jiu Việt Nam ôh tá la lâi pơtê hơ’lêh nếo, rơkê ple\ng vâ re#ng châ ‘nâi tơdroăng ki mơnhông mơdêk dêi khoa hok ko\ng nghe# [ă hyôh um tivi rơ’jiu tiô rơxông nếo nôkố. Rơ’jiu Việt Nam dế ối pêi pro tơdroăng pơkâ la ngiâ chiâng tơdroăng ki tơku\m hyôh um tivi ki rơkê ple\ng, tiô rơxông nếo apoăng dêi Tơnêi têa, tơku\m tu\m 4 túa hlá tơbeăng: tơpui pơchuât, um tivi, hlá tơbeăng chêh, hlá tơbeăng đie#n tưh. Poâ Nguyễn Đăng Tiến tối rơdêi: Rơ’jiu Việt Nam hiăng ai mâu troăng prôk mơnhông mơdêk ó tá tơdroăng ki rơkê ple\ng. Sap 90 phut mơ’no ki apoăng, troh nôkố, Rơ’jiu Việt Nam hiăng mơdêk tơ’nôm troh 600 chôu [ă lối 250 tơdroăng mơ’no rêm hâi, kum ăm rêm ngế, rêm kơpong tung pơlê pơla, mơ’no hyôh tơpui pơchuât troh 97,43% kơpong tơnêi tíu kuăn pơlê trrh ối, môi kơpong ki kân rơdâ a têa kơx^ Biển Đông [ă lâp plâi tơnêi. Túa pơkâ mơ’no hyôh xuân rế hía rế châ mơdêk [ă hơ’lêh nếo, Rơ’jiu Việt Nam hiăng xúa kông nghe# rơxông nếo nôkố mơ’no tung internet, ho\ng ve# tinh. Rơkong tơpui Việt Nam kơnôm mê châ tơdjêp hyôh, tơkâ hluâ rêm tơdroăng ‘na tơnêi tíu, pơtroh nâl tơpui dêi Tơnêi têa Việt Nam troh a mâu kơpong tung lâp tơnêi têa [ă kong têa vâi ê.

            {ă mâu tơdroăng ki veăng kum kân ke#ng tung plâ 70 hơnăm hiăng hluâ, Rơ’jiu Việt Nam sôk ro châ tơdah xo Mê dái Độc Lập ối má môi rôh má 2 xua Kăn xiâm hnê ngăn tơnêi têa diâp ăm. Drêng kố, kăn xiâm hnê ngăn tơnêi têa diâp Mê dái Độc Lập ối má pái ăm pôa Nguyễn Đăng Tiến, kăn xiâm pơkuâ Rơ’jiu Việt Nam.

Katarina Nga tơplôu [ă tơbleăng