VOV4.Sêdang - Hâi lơ 15/9, a Hngêi mơdâm kiâ dêi Tơnêi têa (Hà Nội), Khu kăn Tíu xiâm Đảng, Kuô̆k hô̆i, Kăn xiâm hnê ngăn tơnêi têa, Chin phuh, Vi ƀan xiâm Tơnêi têa Măt trâ̆n Tơnêi têa Việt Nam ƀă rơpŏng hngêi hiăng tơkŭm po  leh pôu ngăn ƀă leh tơbâ hnoăng Đăi tươ̆ng Phùng Quang Thanh, Ngế cheăng tung tíu xiâm Kal kí, Ngế xiâm phŏ pơkuâ hnê ngăn Đảng lêng xiâm, Ngế xiâm pơkuâ ngăn lêng, pro tiô túa leh mơdâm kiâ dei râ tơnêi têa.

Leh pôu ngăn, leh tơbâ hnoăng Đăi tươ̆ng Phùng Quang Thanh châ pro kân krip

Mâu kăn hiăng troh lăm pôu ngăn Đăi tươ̆ng Phùng Quang Thanh, mê ai: Khu kăn tíu xiâm Đảng xua ngế cheăng tung tíu xiâm Kal kí, pôa Nguyễn Xuân Phúc, Kăn xiâm hnê ngăn tơnêi têa pơkuâ djâ khu kăn, pôa Nông Đức Mạnh, Kăn xiâm pơkuâ hnê ngăn Đảng hneăng hdrối rơtế ƀă mâu kăn lăm pôu ngăn. Pơtối mê, Khu kăn xiâm tơnêi têa xua pôa Nguyễn Xuân Phúc pơkuâ djâ; Khu kăn Kuô̆k hô̆i xua pôa Vương Đình Huệ, Kăn xiâm hnê ngăn Kuô̆k hô̆i pơkuâ djâ; Khu kăn Chin phuh xua pôa Phạm Minh Chính, Ngế pro xiâm hnê ngăn Chin phuh pơkuâ djâ; Khu kăn Vi ƀan Xiâm Măt trâ̆n tơnêi têa Việt Nam xua pôa Lê Tiến Châu, Ngế chêh tôm xo rơkong Vi ƀan xiâm Măt trâ̆n tơnêi têa Việt Nam  pơkuâ djâ lăm pôu ngăn pôa Phùng Quang Thanh.

Gương tơplôu ƀă tơbleăng