Mơ-eăm hriâm tâp hlối chiu nguăn, xua mê hên hơnăm pơtối o Y Thật, hdroâng kuăn ngo Jêh – Triêng, hngêi a pơlê Dak Ak, cheăm Đăk Long, tơring Đăk Glêi châ inâi hok tro rơkê. {a\ mâu pú hmâ rơtế môi lâm 7A1, Hngêi trung phôh thông hdroâng kuăn ngo ai tíu kâ koi ối pơtê a cheăm Đăk Long, Y Thật cho ngế ki kơhnâ rơkê hriâm tơkâ hluâ pá puât chiâng ngế ki hriâm rơkê.

Ngăn pri kheăn kơdeăn hriâm tâp dêi Y Thật, iâ ngế ôh tá ‘nâi ê drêng o hiăng vâ pơtê hriâm, ối a hngêi kum dêi nôu pâ pêi chiâk deăng. Xiâm kối xua pâ Y Thật hiăng lêk lôi, nôu xo tăm [a\ rơtế mơhum péa ngế kuăn. Rơpo\ng kơtiê mê pơtối thăm pá puât. Mơhúa, mâu mô đo#i a đông gâk kring tíu tơkăng kong Đăk Long ‘nâi tơdroăng rêh ối pá puât, diâp ăm hnoăng liăn hriâm rơkê rêm khế ai 500 rơpâu liăn, kum mơhnhôk vâ o troh hriâm a hngêi trung. Y Thật, tối:

‘’Rơpo\ng á pá puât, nôu á pá ó ‘nâng păn roăng ngin muăn. Á vâ pơtê hriâm kum dêi nôu pêi cheăng tung rơpo\ng hngêi. Mâu tăm mô đo#i gâk kring tíu tơkăng kong kum á [a\ á kô mơ-eăm hriâm rơkê’’.

Xuân a pơlê Dak Ak, rơpo\ng ngoh A Xu ai tơdroăng rêh ối pá puât. Ngoh chó cheâng xua mê ôh tá ai ivá pêi cheăng hngăm, tơdroăng cheăng kâ rơpo\ng đi đo kơtiê, tơdroăng hriâm tâp nôu pâ ôh tá kâi tăng liăn vâ nâp. Klêi kơ’nâi hên xôh ôh tá ai liăn rôe loăng chêh, mơ-éa, A Xu hiăng tơmiât vâ ăm Y Xí, nâ rơmúa, dế hriâm lâm 7, pơtê hriâm kum rơpo\ng. Tơdroăng sôk ro troh [a\ rơpo\ng drêng kăn [o# mô đo#i gâk kring tíu tơkăng kong troh a hngêi diâp ăm hnoăng liăn rơkê ăm Y Xí. Ngoh A Xu tối tiah kố:

‘’Mô đo#i ăm liăn rôe hmân ếo, ăm kuăn lăm hriâm, vâ ngin muăn  hriâm rơkê. Phiu ro ‘nâng’’.

Tiô Khu xiâm pơkuâ mô đo#i gâk kring tíu tơkăng kong Kon Tum tối, troh nôkố hiăng cho hơnăm má pái, hnoăng liăn hriâm rơkê chông djâ o troh hngêi trung châ đông po rơdâ a tâi tâng mâu hngêi trung hriâm kơpong tíu tơkăng kong. Nôkố ai 58 ngế vâi o ai tơdroăng rêh ối pá puât châ tơdah xo hnoăng liăn hriâm kố. {a\ 500 rơpâu liăn rêm khế, rơtế tơdroăng tơmâng to\ng kum, mơhnhôk dêi mâu mô đo#i gâk kring tíu tơkăng kong hoăng kum mâu vâi o pơtối hriâm lâm kân tâ mê nếo, châ rơkê tung hriâm tâp.

‘Na tơdroăng pêi ki pơxúa kố dêi khu mô đo#i gâk kring tíu tơkăng kong, thái Trần Ngọc Mạnh, Thái pơkuâ hngêi trung phôh thong hdroâng kuăn ngo a cheăm Đăk Long, tơring Đăk Glei tối ăm ‘nâi:

‘’Ki nhên păng ‘nâng hngêi trung pak^ng tơdroăng hnê hriâm mê tơdroăng to\ng kum hok tro kơtiê tối tơchuâm [a\ 3 ngế o kố tối phá xêh, mê hngêi trung pá puât ‘nâng xua kơxo# liăn ôh tá tu\m. Tơdroăng mô đo#i gâk kring tíu tơkăng kong kum mâu vâi o bê liăn vâ rôe mơ-éa hriâm tâp [a\ ai liăn vâ pơtối troh hngêi trung hriâm. Tơdroăng to\ng kum mê 2 hơnăm kố nah mâu vâi o hriâm tâp rế rơkê khât’’.

Rơtế [a\ tơdroăng to\ng kum mâu hok tro pá puât tíu tơkăng kong, hnoăng liăn hriâm rơkê chông djâ vâi o troh hngêi trung dêi Mô đo#i gâk kring tíu tơkăng kong Kon Tum ối kum troh mâu cheăm dêi kong têa pú hmâ Lếo – Kul. Tâi tâng mâu vâi o hok tro châ tơdah hnoăng liăn hriâm rơkê pơrá hriâm rơkê. Thươ\ng tă Nguyễn Bá Hưng, Kăn pho\ pơkuâ cheăng kal kí, Khu pơkuâ mô đo#i gâk kring tíu tơkăng kong Kon Tum, tối ăm ‘nâi:

‘’Tâi tâng mâu mô đo#i tung khu xiâm kal kí, mâu [ơrô, khu pêi cheăng ki pakong tíu tơkăng kong, mâu đông gâk kring tíu tơkăng kong [a\ tiêuh đoân 19 pơrá tơdah pro nho\ng o [a\ rêm đông, rêm mô đo#i pro nho\ng o kum 2 ngế muăn a cheăm tíu tơkăng kong [a\ a mâu cheăm ki achê [a\ tíu tơkăng kong dêi kong pơlê Kon Tum, troăng kân achê Lếo [a\ Kul vâ kum mâu muăn ai liăn vâ hriâm tâp, mơ-eăm tung hriâm tâp [a\ vâ mơjiâng kăn [o# la ngiâ dêi kong pơlê.

Tung la ngiâ, ngin kô tơbleăng ăm Đảng ủy, Khu pơkuâ lêng pơtối pêi [a\ po rơdâ tơdroăng kố kân rơdâ, trâu hơngế tâ vâ kum mâu muăn ôh tá xê to lâm 1 troh lâm 12 mê ối hriâm klêi râ đăi ho\k, kao đăng tâng mâu muăn ối ai ivá pơtối hriâm tâp’’.

{a\ hiâm mơno pâ nhua#m [a\ pôu râng hnoăng cheăng [a\ vâi krâ nho\ng o kơpong tíu tơkăng kong, tơdroăng tơrá phái kum mơngế pá puât hdrối nah, klêi mê, túa kum vâi o troh hriâm a hngêi trung dêi mô đo#i gâk kring tíu tơkăng kong dêi kong pơlê Kon Tum hâi kố dế pơtối kum hr^ng ngế vâi o hok tro ai tơdroăng rêh ối pá puât châ tơ’lêi drêng troh hngêi trung hriâm.

Ing túa pêi mơnhông vâi o troh hriâm a hngêi trung, kăn [o#, mô đo#i gâk kring tíu tơkăng kong dêi kong pơlê Kon Tum hiăng kum kal khât tung thăm mơnhông hnê hriâm kơpong tíu tơkăng kong Kon Tum. {a\ mâu ngoh, tơdroăng phiu ro kân mê cho mâu vâi o hok tro kơpong tíu tơkăng kong hriâm tâp rơkê, loi nguăn, chiâng mơngế ki ai pơxúa ăm pơlê pơla la ngiâ.

A Sa Ly tơplôu [ă tơbleăng