VOV4.Sêdang – Pôa Trịnh Đình Dũng, Ngế pro xiâm pho\ hnê ngăn tơnêi têa nếo ai roh pêi cheăng [a\ Khu xiâm pơkuâ ‘na pêi chiâk deăng [a\ mơnhông thôn pơlê ‘na tơdroăng pêi pro mâu tơdroăng tơkêa bro ki kal. Pôa Trịnh Đình Dũng pơkâ thế, Khu xiâm kal pêi kơtăng thăm mơ’no liăn cheăng tơdrêng amê pơkuâ krá tơniăn tơdroăng mơ’no liăn mơjiâng [a\ hbrâ mơdât pơrea\ng Covid 19 vâ tơniăn tơmeăm mơjiâng pro kêi tro tiô pơkâ [a\ tơniăn tung mơjiâng, tơniăn ki dâi le\m dêi tơmeăm, hbrâ mơdât châ lo pa kong, mơ’nhê tê kơtê.

Ing tơmâng xo tu\m tâi tâng rơkong tơpui tối pơkâ thế dêi kong pơlê ‘na tơdroăng kal vâ mơ’no liăn cheăng hneăng hơnăm 2021 – 2025, Khu xiâm pơkuâ ‘na chiâk deăng [a\ mơnhông thôn pơlê pơkâ tâi tâng kơxo# liăn mơ’no liăn cheăng ăm mâu tơdroăng tơkêa bro tung kơvâ pêi chiâk deăng hneăng hơnăm 2021 – 2026 lối 143 rơpâu rơtal liăn. Tung mê, kơxo# liăn tung tơnêi têa lối 130 rơpâu rơtal, kơxo# liăn kong têa ê dâng 13 rơpâu rơtal liăn.

A Sa Ly tơplôu [a\ tơbleăng