VOV4.Sêdang - Hâi kố lơ 26/10, mâu kăn Kuô̆k hô̆i  kô tơpui tơno ‘na tơdroăng Hlá mơ-éa  Luât ki ‘mâi hơ’lêh  chêh tơ’nôm a mâu tơdroăng tung Luât xúa tuăn ngôa rơkê. Tiô mâu kăn: Mê cho tơdroăng tơkêa tơpui hên, tơpui trâu, kal thế  pơkâ tơtro ƀă mâu tơdroăng tơhrâ lâp plâi tơnêi ki Việt Nam ƀă mâu ngế tung khu , pro tơniăn môi tuăn tâi tâng, môi tuăn ƀă luât ki ai tơdjâk troh châ Kuô̆k hô̆i  pơkâ tung pơla hdrối kô hía nah. Tung tơdroăng tơkêa Luât ‘mâi hơ’lêh, tơ’nôm  Luât xúa tuăn ngôa rơkê rôh kố ai pơkâ: Tâng tơdroăng chêh châ ngế ki chêh thâu xo, xŭp xo um vâ tơbleăng tê tơmeăm, la mâu tôh mâu ngế  xua hlá mơ-éa chêh tơdroăng thâu hrik, xup xo um mê ƀă tơdroăng pơkâ tê mơdró, mê ôh tá êa pâ phêp ngế ki chêh la xuân thế ăm liăn hnoăng  ngế ki chêh. Mâu kăn tối tiah kố tơdroăng tơkêa Luât ‘mâi hơ’lêh tiô troăng mơdêk rơnêi tơdroăng cheăng pơ’lêh nếo, hriê̆n plĕng ki nếo, thế ‘nâi hbrâ rơnáu hdrối, kơhnâ xúa pêi mâu hnoăng hiăng châ pêi tơ-ƀrê ‘na cheăng ƀă kơmăi kơmok 4.0 ing tơdroăng tí tăng hriê̆n plê̆ng ƀă pêi pro tiô hnoăng xúa tuăn ngôa rơkê, kum tơdroăng cheăng rế ton rế achê ƀă tơdroăng ai khât ƀă tơdroăng hmâ pêi dêi lâp plâi tơnêi.

Gương tơplôu ƀă tơbleăng