VOV4.Xơ Đăng - Kơxê măng lơ 8/11, a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i veăng leh tơbleăng pơkâ dêi Vi ƀan pơkuâ cheăng Kuô̆k hô̆i  ‘na tơdroăng mơjiâng khu tơrŭm cheăng mâu kăn Kuô̆k hô̆i Việt Nam, Khu kăn Kuô̆k hô̆i ƀă khu kăn Kuô̆k hô̆i hơnăm ối nếo, tơbleăng Khu tơrŭm cheăng mâu kăn Kuô̆k hô̆i Việt Nam ai 45 khu kăn Kuô̆k hô̆i Việt Nam ƀă Kuô̆k hô̆i, ƀă mâu kăn Kuô̆k hô̆i dêi mâu kong têa. Khu kăn Kuô̆k hô̆i Việt Nam ai mâu kăn Kuô̆k hô̆i ki pâ veăng hôp. khu kăn Kuô̆k hô̆i hơnăm ối nếo tá mâu kăn Kuô̆k hô̆i Việt Nam ing 45 hơnăm tơngi iâ.

Pôa Nguyễn Anh Tuấn, Kăn xiâm Kuô̆k hô̆i cho kăn hnê ngăn má môi Tíu xiâm Đoân droh rơtăm kŏng sản Hồ Chí Minh. Tơpui a hâi leh tơbleăng, pôa Vương Đình Huệ, Kăn xiâm hnê ngăn Kuô̆k hô̆i loi khât ing tơdroăng pêi pro tơpui tơno dêi rêm kơ koan dêi Kuô̆k hô̆i ƀă mâu khu kăn Kuô̆k hô̆i, mâu kăn Kuô̆k hô̆i kơdrâi, mâu kăn Kuô̆k hô̆i hơnăm ối nếo, tơdroăng tơpui kâ dêi Kuô̆k hô̆i kô rế ton rế châ mơdêk tơ-ƀrê, pro xiâm cho tíu tơdjêp ki kal tung tơrŭm cheăng dêi mâu kăn Kuô̆k hô̆i.

Gương tơplôu ƀă tơbleăng