VOV4.Xơ Đăng - Pêi pro tiô kơthô dêi Ngế pro xiâm hnê ngăn Chin phuh chêh pơtroh thế hbrâ rơnáu ví khía Rai, sap hâi lơ 17/12, mâu kong pơlê pơlê kong kân a kơpong Tơdế tơnêi têa oh tá chiâng ăm mâu plong tuk lo lăm a têa kơ xĭ tơnăng ká, tá plong tuk ki chơ tơmeăm kơtâu tung têa kơxĭ tơná pin. Pơlê kong kân Đà Nẵng hiăng mơdât oh tá ăm plong tuk lo lăm a têa kơxĭ; mơhno ăm mâu plong tuk tíu ối tơniăn tro tiô tơdroăng hiăng pơkâ mơhno.

Sap 12h kơhâi dế lơ 17/12, Khu xiâm pơkuâ ngăn Mố đô̆i gak tơkăng kong kong pơlê Quảng Nam ƀă mâu tơring, pơlê krâm, pơlê kong kơdrâm kĭng têa kơxĭ mơdat ôh tá ăm mâu plong tuk lo lăm a têa kơxĭ. Pakĭng mê, mâu tíu pêi cheăng tơbleăng ăm mâu ngế vế ai plong tuk  ki dế ối a têa kơxĭ rĕng vêh a kĭng, tăng tíu hmuâ ối tơniăn.

A kong pơlê Bình Định, mâu  tơring cheăm hiăng thế mâu mâu plong tuk ki dế tơnăng ká a têa kơxĭ rĕng vêh a kĭng vâ hluăn kơpong ki rơ-iô. Hiăng ai lối 50 toăng plong tuk ƀă dâng 500 ngế kuăn pơlê ki tơnăng ká dêi mâu kong pơlê Quảng Nam, Quảng Ngãi, Bình Định, Phú Yên ƀă Khánh Hòa troh a mâu chuăn rơlố Song Tử Tây, chuăn Sinh Tồn,  tơring Trường Sa vâ hmuâ khía kân Rai.

Gương tơplôu ƀă tơbleăng