VOV4.Sêdang - Tung tơdroăng pêi dêi hnoăng cheăng tơná, tơplâ tơdrêng [ă mâu khu ngế ki pro xôi, kơpong ki dế ối ai tơxul tơxal ‘na cheăng kal kí dêi tơnêi têa, la mâu vâi kơdrâi kăn [o#, lêng Ko\ng an kong pơlê Gia Lai hiăng mơhno dêi hiâm tuăn, hnoăng cheăng dêi mơngế lêng ko\ng an, tơdrêng amê hnối kơdo mơ-eăm tơkâ luâ mâu tơdroăng xahpá vâ pêi pro klêi hnoăng cheăng, kring vế tơniăn ăm tơdroăng rêh ối dêi kuăn pơlê. Nguyễn Thảo, Ngế chêh hlá tơbeăng ai [ai chêh ‘’Mâu reăng rô sa ki tơnôu dêi Ko\ng an kong pơlê Gia Lai’’.

Tơdroăng ki tơmiât hlo dêi hên ngế drêng pêi cheăng [a\ Thươ\ng tă Y Mai Anh (kot mâ 1972), kăn pơkuâ Ko\ng an tơring ‘Mang Yang, kong pơlê Gia Lai, cho tơ’lêi achê. Môi ngế kơdrâi le\m laga ai hiâm mơno ó rơdêi môi tiah mơngế kơnốu. Tiô thươ\ng tă Y Mai Anh, mê cho tơdroăng ki châ tơ-[rê dêi 26 hơnăm tung kơvâ ko\ng an, pêi cheăng a mâu tíu đi đo hbrâ rơnáu tơplâ, môi tiah [ơrô hbrâ mơdât mơngế xôi kân, [ơrô Kan sat tơplâ mơdât Ma tu\i, rế pơtâp ki kơtăng tung hbrâ mơdât mâu ngế xôi ki [ea\n [e\ng, khên tơnôu, rế pơtâp pro mơngế ai hiâm mơno pâ nhuo#m, tuăn ngôa ‘nâi rêh ối [a\ pơlê pơla, pro kuăn pơlê loi tơngah, châ kuăn pơlê hâk vâ to\ng kum.

Thươ\ng tă Y Mai Anh (peăng hơ’vá) hiăng kơhnâ tah lôi, xut tah tơdroăng tiô khôp Hà Mòn a tơring ‘Mang Yang, kong pơlê Gia Lai

26 hơnăm pêi cheăng, nâ Y Mai Anh, ôh tá xê to veăng hbrâ mơdât hr^ng ngế xôi kân, hbrâ mơdât mâu ngế tê mơdró, pơto ma tu\i ki hên tung kong pơlê, mê ối hên hâi khế mot a mâu thôn pơlê mâu hdroâng kuăn ngo vâ tah lôi mâu troăng tơdjâk khôp Hà Mòn ôh tá tro luât. Achê kố, nâ veăng hnê mơhno pơtrui rup mâu khu tiô khôp Hà Mòn má mơ’nui a ‘Mang Yang a khế 3/2020; 1 khế kơ’nâi mê, pơtối hnê mơhno pơtrui châ rup khu 49 ngế xah [ai a cheăm Hra.

{a\ tơdroăng mơ-eăm đi đo [a\ mâu tơdroăng châ tơ-[rê rơkê, Thươ\ng tă Y Mai Anh hiăng châ tơdah hên [âng kheăn kơdeăn, hên inâi tơ’noăng. Hơnăm kố, nâ cho ngế krê ki rơkê dêi Ko\ng an kong pơlê Gia Lai veăng Hneăng hôp tơ’noăng ‘’Gâk kring Tơnêi têa’’ tâi tâng khu cheăng.

Cho ngế kơdrâi pêi hnoăng cheăng trâm to khu ki râng chăng, pháu hnêa tơ’lêi rơ-iô troh châ chăn, laga Y Mai Anh đi đo phiu ro [a\ tơdroăng cheăng ki tơná hiăng rah xo. Nâ tối:

‘’Tơmiât tơ’lêi hlâu, drêng sâp hmân ếo vâ kring vế luât, cho kơpeăng ko\ng ki kal dêi Đảng, gâk kring tơdroăng ki tơniăn dêi kuăn pơlê, xo ki mê cho tơdroăng phiu ro; xo 6 tơdroăng Pôa Hồ hnê khu Ko\ng an kuăn pơlê pro troăng pêi cheăng, djâ troăng ăm tơdroăng pêi cheăng khu; đi đo xo pơkâ dêi ko\ng an kuăn pơlê vâ pêi pro tơtro troăng hơlâ; đi đo xo luât dêi ko\ng an kuăn pơlê vâ pêi pro tơtro troăng hơlâ dêi Đảng [a\ tơnêi têa pro pơkâ xiâm vâ mơ-eăm’’.

Thương yă Y Mai Anh (ối tung dế)

Môi tơkâng reăng tơnôu dêi ko\ng an Gia Lai cho nâ Lương Thị Thu Quỳnh (kot mâ 1976), nôkố cho Thươ\ng tă, Kăn pơkuâ {ơrô rak tơniăn troăng prôk [a\ rơxế kơtâu. Hơnăm 1998, nâ, môi tung mâu ngế ki droh ki châ le\m rơduăng dêi Hngêi trung Đăi hok Kan sat kuăn pơlê II, nếo lo hngêi trung hiăng châ rah xo lăm pêi cheăng a {ơrô Kan sat séa ngăn (nôkố cho {ơrô Kan sat Kuăn mơdât mâu ngế xôi kân, Ko\ng an kong pơlê Gia Lai).

13 hơnăm pơtối tung hnoăng cheăng séa ngăn, nâ Quỳnh hiăng rơtế khu hbrâ mơdât châ tơ-[rê hên roh tơdroăng. Tung mê, tơdroăng ki nâ pá má môi cho roh Mai Quý Thọ rơtế khu pú lu lêa tong xo lối 200 rơtal liăn dêi hr^ng ngế tung kong pơlê. Roh ai tơdroăng kố, mâu ngế ki kơtâu hdâ, nâ Lương Thị Thu Quỳnh hiăng pơtê lôi tơdroăng cheăng hngêi, lôi kuăn ối ku\n ối a hngêi, klêi mê, rơtế khu pú lăm hên kong pơlê tung lâp tơnêi têa, troh a kong têa Kul vâ pơtrui rup, rup mâu ngế ki pro xôi pơxâu phâk tiô luât.

Tơkâ hluâ hên hnoăng pêi cheăng, ing ngế séa ngăn  troh pro Pho\ Ko\ng an tơring }ư\ Sê, Kăn pơkuâ [ơrô Kan sat rak tơniăn troăng prôk [a\ rơxế kơtâu Ko\ng an kong pơlê Gia Lai, hnoăng cheăng ki lâi, nâ Lương Thị Thu Quỳnh xuân kêi đeăng hnoăng cheăng, hên xôh châ Khu xiâm pơkuâ Ko\ng an diâp [âng kheăn kơdeăn.

Thươ\ng tă Lương Thị Thu Quỳnh, Kăn pơkuâ [ơrô Kán sat rak tơniăn troăng klông (Ko\ng an kong pơlê Gia Lai)

Nâ Quỳnh tối, cho mơngế kơdrâi, nâ [a\ khu pú ai hên tơdroăng ki pá puât tung pêi cheăng, laga ôh tá ăm tơdroăng ki mê tơdjâk troh hnoăng cheăng:

‘’Hnoăng dêi ngế kơdrâi cho pro nôu, laga tơdroăng pêi cheăng mê thế môi tiah mâu ngế kơnốu há, pôu râng hnoăng cheăng, ôh tá pơrah, xua mê cho tơdroăng pêi cheăng, thế rak tơniăn. Vâ châ tơniăn mê mơngế kơnốu thế mơ-eăm mê mơngế kơdrâi thế mơ-eăm châ péa xôh. Khu kăn pơkuâ, khu râ kăn pơkuâ cheăng Đảng, tíu cheăng, Đảng u\i ko\ng an kong pơlê tơmâng, pro tơ’lêi hlâu mê nâ o ko\ng a kong pơlê [a\ mâu kăn pơkuâ cho mơngế kơdrâi xuân mơ-eăm veăng a tâi tâng kơvâ cheăng’’.

Trung tă Nguyễn Thị Ngọc Thúy, Pho\ Hnê ngăn Khu pơkuâ vâi kơdrâi Ko\ng an kong pơlê Gia Lai tối ăm ‘nâi, xua ki phá tơ-ê dêi khu cheăng, xua mê kơxo# vâi kơdrâi a kơ koan đi đo iâ tâng mơngế kơnốu. Cho mơngế kơdrâi, pôu râng hnoăng cho ngế kơdrâi, ngế nôu, xua mê mâu nâ trâm pá tung tơdroăng cheăng, laga tơ’nôm amê, mâu nâ mơnhông dêi ki [ea\n [e\ng, rơkê, tơmiât pêi rơkê, khên tơnôu tung tơdroăng pêi cheăng.

Hên nâ o châ khu râ kăn pơkuâ ko\ng an kong pơlê loi tơngah pơcháu hnoăng cheăng ki xiâm môi tiah lăm séa ngăn, séa ngăn tơdroăng xôi kân, ma tu\i; kăn pơkuâ ko\ng an mâu tơring, pơlê kong krâm [a\ kăn pơkuâ [ơrô cheăng. Sap hơnăm 2015 troh nôkố, hiăng ai lối 450 ngế roh kăn [o#, mâu ko\ng an kơdrâi châ tơ-[rê tung tơdroăng pêi cheăng, tơdroăng tơ’noăng châ mâu khu râ kheăn kơdeăn, 97% ngế kơdrâi kăn [o#, mâu ko\ng an a Gia Lai cho đảng viên.

Thươ\ng tă Lương Thị Thu Quynh (ối tơdế) tung môi roh pơtâng tối ‘na luât rak tơniăn troăng klông a kơpong hdroâng kuăn ngo

Trung tă Nguyễn Thị Ngọc Thuý tối ăm ‘nâi tơ’nôm:

‘’Hnoăng cheăng dêi á, mâu nâ đi đo mơnhông mơdêk, mơhno ki rơkê dêi mơngế ko\ng an pêi kơtăng tiô luât, pôu râng hnoăng cheăng, hbrâ rơnáu, châ tơ-[rê. Cho ki châ tơ-[rê mê rêm hơnăm ai 75% nâ o cho ko\ng an ki rơkê, lối 8% cho mâu lêng tơ’noăng. Hên [âng kheăn kơdeăn dêi Ngế pro xiâm hnê ngăn tơnêi têa, Khu xiâm pơkuâ ko\ng an, Vi [an kong pơlê mơ-éa kheăn kơdeăn dêi kăn pơkuâ Ko\ng an kong pơlê Gia Lai mơhno tơdroăng ki mơnhên dêi mâu khu râ kăn pơkuâ [a\ tơdroăng ki pleăng hnoăng cheăng dêi nâ o ko\ng an’’.

{a\ hiâm mơno khên tơnôu, ai troăng tơmiât kơnâ dêi mơngế ko\ng an, mâu ngế kơdrâi kăn [o#, mâu ko\ng an Gia Lai hiăng tơkâ hluâ mâu tơdroăng pá puât ‘na mơngế kơdrâi, loi tơngah, mơ-eăm mơnhên dêi châ tơná tung tơdroăng cheăng, kum khu cheăng tơniăn kring vế, gak ngăn tơniăn ăm kuăn pơlê tung pơlê pơla.

Nguyễn Thảo chêh

A Sa Ly tơplôu [a\ tơbleăng