VOV4.Sêdang - Kơxê lơ 4/10, a Hà Nội hiăng po leh tơdah vâ chê 1,5 rơtuh klŏng vaccine  Pfizer xua Mih ăm Việt Nam ing luât pơkâ COVAX. Ƀă tơdroăng veăng kum mê, Mih tơhrâ kô pơtối kum Việt Nam kâi tơplâ mơdât ƀă pơreăng COVID-19, kum pro tơniăn tơdroăng rêh ối ƀă ăm kuăn pơlê mo lĕm châ. A roh pơcháu vaccine, pôa Đặng Hoàng Giang, Ngế xiâm phŏ tơpui kâ tối mơnê kơ Chin phuh Mih hiăng veăng kum Việt Nam ing luât pơkâ COVAX.

Tung pơla dế ai pơreăng tâ tú rơ-iô tung lâp plâi tơnêi a Việt Nam, tơdroăng veăng kum mê ai pơxúa khât ƀă hlối kơnía, kum Việt Nam chôa pơ’lêh hmâ ƀă tơdroăng tiah hmâ nếo; hlối tối púi vâ pơtối châ kum mâu kong têa tơrŭm cheăng, ôh  tá xê to vaccine mê ối tá tơdroăng tŏng kum kế tơmeăm xúa tung khăm pơlât, tối ‘na tơdroăng tơná ‘mâi mơnhông cheăng kâ klêi kâi mơdât pơreăng, ing tơdroăng veăng ‘no hên dêi tơchoâm tung lâp plâi tơnêi.

Gương tơplôu ƀă tơbleăng