VOV4.Sêdang - Kơxo lơ 15/10, a kơpong tơneăn 16.3, ối tung kơpong tơkăng kong Việt Nam – Kul, Khu xiâm pơkuâ Mô đô̆i gâk tơkăng kong dêi kong pơlê Kon Tum hiăng tơkŭm po diâp ăm tơmeăm kâ, tơmeăm khăm pơlât ăm Tiêuh khu cheăng lêng kong pơlê Rattanakri, kong têa Kul. Ki nhên, khu râ kăn hiăng diâp lối 3,5 tâ̆n phái, 20 kơthung xup kơxŏng khăng rơtế mâu tơmeăm ki kal xúa rêm hâi ƀă tơmeăm khăm pơlât kum tung tơdroăng hbrâ mơdât COVID-19 ƀă tâi tâng kơnâ lối 55 rơtuh liăn.

Mô đô̆i gâk kring tơkăng kong diâp kơxuô tơmeăm ăm khu lêng gâk kring tơkăng kong kong têa Kul

Tơdroăng kố vâ thăm tơrŭm cheăng pơla péa pâ khu lêng tung pơkuâ gâk tíu tơkăng kong, mơdât tơdroăng mot lo tung tơnêi têa ôh tá tro luât, hbrâ mơdât mâu ngế xôi kân ƀă hbrâ mơdât COVID-19.

A Sa Ly tơplôu ƀă tơbleăng