VOV4.Xơ Đăng - Hâi lơ 20/12, a pơlê kong kơdrâm Ƀuôn ma Thuột, Khu ngê̆ sih xup um Việt Nam tơrŭm ƀă Vi ƀan kong pơlê Dak Lak ƀă Khu ngăn văn hok ngê̆ thuât kong pơlê Dak Lak tơkŭm po Mơđah tơbleăng um xup ngê̆ thuât kơpong Peăng hdroh Tơdế tơnêi têa ƀă Tây Nguyên roh má 26 hơnăm 2021. Mơđah tơbleăng 172 kơtâ um mâu ngê̆ sih hmâ xup um ki lo ing Hô̆i Văn hok ngê̆ thuâ̆t dêi 10 to kong pơlê, pơlê kong kân tung kơpong, mê cho: Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Dak Lak, Dak Nông, Gia Lai ƀă Kon Tum.

Tơmối lăm ôm hyô lăm a tíu mơđah tơbleăng um a Tíu  mơđah tơbleăng um tơmeăm Dak Lak

Mâu um xup mê mơhno ki khât, lĕm tro tơdroăng rêh ối pêi cheăng kâ, hbrâ mơdât pơreăng COVID-19 dêi tơrêm kong pơlê. Mâu tơmeăm khoăng, mơdĭng mơhno túa lĕm tro lơ mâu túa um ngê̆ thuâ̆t mơhno khôi túa, vêa vong krê dêi tơrêm hdroâng kuăn ngo xuân môi tiah hdró ki lĕm tơviah. Mơđah tơbleăng châ tơkum po a Hngêi mơđah tơbleăng um tơmeăm kong pơlê Dak Lak, cho môi tung mâu tơdroăng pêi pro vâ koh troh hâi leh tơbâ mâu lêng Việt Nam, tơdah lo hơnăm nếo 2022.

Gương tơplôu ƀă tơbleăng