VOV4.Xơ Đăng - Khu xiâm pơkuâ ngăn lêng tuk ƀă Khu xiâm ngăn mơngế pêi cheăng Việt Nam nếo klêi kĭ hlá mơ-éa tơdroăng tơrŭm hnê tối ‘na chuăn têa kơxĭ pơla hơnăm 2021-2021. Mâu hơnăm hdrối, Khu xiâm ngăn mơngế pêi cheăng Việt Nam ƀă Khu xiâm pơkuâ ngăn lêng Tuk hiăng tơrŭm po hên tơdroăng pêi pro ki ai pơxúa khât ‘na têa kơxĭ chuăn rơlố dêi tơnêi têa; đi đo tơkŭm lăm pôu, hnê mơhnhôk mâu lêng, kăn ƀô̆ kuăn pơlê ki rêh ối a chuăn Trường Sa.

Khu xiâm ngăn mơngế pêi cheăng mơhnhôk mâu đoân viên, mơngế pêi cheăng veăng tơlo liăn tơmeăm kum chuăn têa kơxĭ pơlê tơná; ăm mâu kăn ƀô̆, mâu lêng a chuăn Trường Sa môi tiah tơdroăng ki vâ pơtih hmâ achê pơla giai cấp công nhân ƀă mâu lêng tuk Việt nam.

Tơdroăng tơrŭm pơla hơnăm 2021-2026 ai 6 tơdroăng kal. Tung mê, tơkŭm a mâu tơdroăng cheăng ki tơdjâk troh chuăn, têa kơxĭ Việt Nam; mơhnhôk kuăn pơlê tung lâp tơnêi têa ƀă mâu ngế Việt Nam ki rêh ối a kong têa ê hvái ngăn ‘na mâu lêng, kuăn pơlê chuăn Trường Sa ƀă Hngêi trá DK1...

A Sa Ly tơplôu ƀă tơbleăng