VOV4.Sêdang - Môi tung mâu tơdroăng ki kal dế châ Hneăng hôp Tíu xiâm tơnêi têa roh má 4 Khu kăn xiâm Đảng hneăng 13  tơpui tơno, mê cho: Pro ki vâ môi tuăn hên ‘na mâu troăng rơhlâ pêi pro, tơdroăng pơkâ, tơdroăng cheăng, troăng rơhlâ pêi ƀă troăng rơhlâ vâ mơdêk mơjiâng, ‘mâi rơnêu Đảng, mơdât, troh tah ki lơ rế ‘mêi ‘na tuăn tơchĕng tơdroăng kal kí, hiâm mơno, tơdroăng rêh ối, mâu tơdroăng mơhno “ki tí tăng pro”, “Ki pơ’lêh tơ ê’’ tung khu kăn. Tối tơbleăng a hneăng hôp: 5 hơnăm hdrối, ai lối 87 rơpâu ngế đảng viên tro pơxâu xua pro xôi luât, tung mê, ai 46 rơpâu ngế đảng viên tro pơxâu phak tro tiô luât xua tơdjâk troh rế ôh tá tro ‘na tuăn ngôa tung tơdroăng kal kí, hiâm mơno, tơdroăng rêh ối, tí tăng pro xêh, pơ’lêh xêh.

Pôa Nguyễn Phú Trọng, Kăn xiâm pơkuâ hnê ngăn Đảng tối tơbleăng a Hneăng hôp

Tơdroăng kố kô hbrâ mơdât kâ kơluâ hiăng ăm hlo pêi pro tơ-ƀrê, la ga xuân âi pêi tro tiô pơkâ ‘na mơjiâng, ‘mâi rơnêu Đảng krá lĕm, rơdêi. Tiô pôa Nguyễn Phú Trọng, Kăn xiâm pơkuâ hnê ngăn Đảng: “ki ôh tá tro” rơ-iô  má môi cho rế ôh tá lĕm tro tuăn tơchĕng tơmiât tơdroăng kal kí, hiâm mơno, tuăn mơno, tơdroăng rêh ối rế ton chiâng rế ai tơdroăng kâ kơluâ.  Ối kâ kơluâ ƀă rế ai tuăn ‘mêi ‘na tơmiât tơdroăng kal kí, hiâm mơno, túa rêh ối, “tí tăng pro xêh”, “tí tăng pơ’lêh xêh” xuân cho mâu tơdroăng ăm hlo ki rế ôh tá tro.

Gương tơplôu ƀă tơbleăng