VOV4.Xơ Đăng Ƀă túa pơkâ “xo ivá kuăn pơlê vâ tŏng kum tơdroăng rêh ối ăm kuăn pơlê”, 5 hơnăm tơrŭm tối tơbleăng pêi pro, rôh mơhnhôk “Tâi tâng kuăn pơlê tơrŭm mơjiâng thôn pơlê nếo, kơphô̆ rơkê plĕng” hiăng pêi châ hên mâu tơdroăng ki kal, veăng kum pro “hơ’lêh ngiâ méa thôn pơlê nếo ƀă kơphô̆ dêi tơnêi têa ƀă dêi rêm to kong pơlê. Kố cho tơdroăng ki mơnhên tối dêi mâu kăn a Rôh hôp Mơgêi 5 hơnăm tối tơbleăng Rôh mơhnhôk xua Vi ƀan xiâm Măt trâ̆n Tơnêi têa Việt Nam tơkŭm po a kơxo hâi lơ 15/12, a Hà Nội.

5 hơnăm hdrối nah, mâu kong pơlê hiăng mơhnhôk lối hrĭng rơtal liăn vâ mơjiâng pro hngêi trăng troăng klông ki kal a thôn pơlê. Riân troh khế 11/2020, lâp tơnêi têa ai 5 rơpâu 392 to cheăm châ 65% pêi klêi thôn pơlê nếo. Sap ing mâu tíu ki ‘no tơdrêng, kăn teăng mâ mâu kong pơlê tối tơdroăng ki rơkê plĕng, túa pêi ki rơkê plĕng, tơdrêng amê hnối pâ thế mâu troăng hơlâ pêi pro rôh mơhnhôk tung la ngiâ.

Katarina Nga tơplôu ƀă tơbleăng