VOV4.Sêdang - Kơ’nâi vâ chê 4 hâi pêi cheăng thâ rĕng, kơtăng, kơxo lơ 7/10, a tíu pêi cheăng xiâm Đảng, xua pôa Nguyễn Phú Trọng, Kăn xiâm hnê ngăn Đảng pơkuâ hneăng hôp, hneăng hôp rôh má pŭn Khu kăn xiâm hneăng 13 hiăng hôp mơgêi. Khu kăn xiâm hiăng vâ môi tuăn tiah kố, 9 khế hdrối, tơdroăng cheăng kâ kân pơtối tơniăn, ki oh tá ai yă châ séa ngăn, malối, hiăng teăm hbrâ ví ƀă pêi mâu pơkâ tŏng kum mơnhông cheăng kâ, tơleăng mơnhên tơdroăng pá ăm kuăn pơlê ƀă khu mơdró ki tro tơdjâk xua pơreăng.

Pôa Nguyễn Phú Trọng, kăn xiâm hnê ngăn Đảng, Tíu xiâm hiăng mơjiâng tối nhên mâu tơdroăng tơdjâk troh ó, hên tơdroăng dêi rôh pơreăng tâ tú  rôh má 4, tơpui mâu troăng rơhlâ, luât pơkâ ki tơtro, tâi tâng, ngăn pêi pro tro, tŭm tâ nếo vâ pêi kơtăng tơdroăng hbrâ mơdât pơreăng, troăng rơhlâ ‘mâi mơnhông cheăng kâ - rêh ối tung la ngiâ.

‘Na mơjiâng Đảng, tung ƀai pơchuât a rôh mơgêi hneăng hôp pôa Nguyễn Phú Trọng tối nhên, hneăng hôp hiăng môi tuăn pơkâ nếo ‘na mâu tơdroăng ki đảng viên ôh tá chiâng pêi pro; ngăn mê cho xiâm ki kal vâ séa ngăn, pơxâu phâk  mâu tơdroăng pơkâ dêi mâu kăn ƀô̆ đảng viên.

Gương tơplôu ƀă tơbleăng