Ƀă tơdroăng “Ro rơnó pơtê hriâm tăng ngăn vâ ’nâi  kong ngo- Hên tơdroăng lĕm tơviah”, tơdroăng mơhnhôk tơ’mot ôm hyô mê cho mâu tour ôm hyô tung kuăn pơlê, mơhno túa lĕm tro, ngăn nhâ loăng kong kế; Rafting vo plong tơkâ luâ xí, To rơxế têi tơkâ kong tơkâ luâ xí.

Pakĭng mê, kô ai mâu tơdroăng mơđah tŏn chêng, hơdruê xuăng, ngăn tơ’noăng ivá,  leh prôk drô troăng kơphô̆ ƀă Hâi mơdĭng pơchên kế kâ.  Tung tơdroăng mơhnhôk ôm hyô mê, mâu khu mơdró kô kơdroh yă sap 15-100% vĕ lăm ngăn, kơdroh yă 5%- 20% vĕ ôu kâ ƀă koi pơtê, ăm tơ’nôm tour xah hêi, ăm liăn mâ a tâi tâng hoă đơn chêh ăm liăn dêi tơmôi prôk tiô khu, kơdroh liăn ôu kâ lơ chơ chiân troh tơraih tơƀai drêng tơmối hiăng klêi ôm hyô, ôu kâ tíu pin po.

Kố cho tơdroăng ki kal pêi pro Tơdroăng mơhnhôk tơmối ôm hyô “ Việt Nam - prôk troh vâ pâ” troăng hơlâ pêi mơnhông cheăng kâ dêi kong pơlê Dak Lak hơnăm 2025 châ 85 tơngi klêng.