Ing mê, Leh mơdĭng kơphế rôh má 9 kô ai 34 tour ôm hyô ƀă hên tơdroăng pêi pro xah hêi mê cho: Rafting vo plong tơkâ xí, mơnúa ngăn ‘na tơdroăng xiâm dêi kơphế, Ngăn Buôn Đôn - Kơpong hên tơdroăng hơ’muăn, vêh ngăn kong ngo Tây Nguyên, ngăn Rui ƀă mơngế M’Nông.

Tơ’noăng vo plong loăng tơring Lăk. Tiô jâ Nguyễn Thụy Phương Hiếu, Phŏ Kăn pơkuâ ngăn Túa lĕm tro-Tơ’noăng Ivá ƀă Ôm hyô Dak Lak tối, kong pơlê in 3.000 kơxop hlá mơ-éa kŭn vâ po ngăn ai chêh “Tơdroăng lăm ôm hyô” tơkŭm ƀă mâu tơdroăng chêh mâu tơdroăng pro leh ‘na kơphế xuân môi tiah tơbleăng yă pơkâ, mâu tíu vâ troh ôm hyô, ‘na kâ ôu, koi pơtê, rôe tơmeăm...

Pakĭng mê, hlối pro mah QR-Code vâ mơngế ki troh ôm hyô tơ’lêi vâ tăng ngăn xiâm dêi tơdroăng chêh xúa kơxô̆, rah xo hâi lăm ngăn ăm tơtro.