Kơxo lơ 2/2,  a kong pơlê Kon Tum hiăng leh tơbleăng hlá tơbeăng ƀă ngăn túa lĕm tro ton nah rơnó Hơngui Qúy Mão 2023. Tối tơbleăng a Leh pơxiâm tơbleăng, pôa Nguyễn Hữu Tháp, Kăn phŏ hnê ngăn Vi ƀan kong pơlê Kon Tum tối, mâu kơ koan chêh hlá tơbeăng dêi kong pơlê rơtế ƀă mâu ngế teăng mâ mâu kơpong chêh hlá tơbeăng kong pơlê,  Tíu xiâm ki ai tíu pêi cheăng tung kong pơlê hiăng ai hên tơdroăng hơ’lêh nếo tung tơdroăng pêi pro mâu tơdroăng cheăng kal kí, mơdêk kuăn pơlê hlê plĕng, veăng ‘no hnoăng  mơnhông  cheăng kâ - rêh ối dêi kong pơlê. 

Pôa Nguyễn Hữu Tháp púi vâ mâu kơ koan thŏng tâ̆n, khu chêh hlá tơbeăng pơtối mơ-eăm tâ nếo vê hriăn chêh mâu hlá tơbeăng ki tro ‘ló, tơbleăng, mơhno ki mơnhông mơdêk dêi kong pơlê, ô eăng mơngế chêh hlá tơbeăng, mơhnhôk, mơnhông mơdêk túa lĕm tro ‘na kơhnâ pơchuât ngăn dêi kuăn pơlê Kon Tum.