Klêi kơ’nâi hmâng tối tơbleăng ‘na tơdroăng ki kal Hneăng hôp má 7, Kuô̆k hô̆i hneăng má 15 ƀă klêi kơ’nâi rôh pêi cheăng dêi Khu kăn Kuô̆k hô̆i kong pơlê ing klêi kơ’nâi hneăng hôp má 6 troh nôkố, mâu kuăn pơlê Dak Lak hiăng tối mâu rơkong pâ thế tơkŭm tung mâu tơdroăng baoh hiêm, liăn khế, hngêi ối, ki pơxúa ăm ngế pêi cheăng ƀă hên ki ê.

Ki nhên, kuăn pơlê pâ thế pro tơ’lêi hlâu vâ đoàn viên, ngế pêi cheăng ki veăng roê ƀaoh hiêm khăm pơlât châ rĕng tơleăng tung lăm khăm pơlât a mâu hngêi pơkeăng ôh tá tung chôu pêi cheăng, kơdroh hơnăm pơtê cheăng ƀă mâu khu pêi cheăng môi tiah cô hnê mầm non, kong nhân ki cheăng mơjiâng bro tơmeăm tung mâu kơvâ cheăng ki ai hrik xo mâu hyôh ‘mêi, pêi cheăng ki hngăm ƀă hên ki ê. Rơtế amê, hên kuăn pơlê xuân pâ thế Tơnêi têa tơmâng séa ngăn, ai troăng hơlâ mơjiâng bro hngêi ối yă rơpâ ăm kong nhân pêi cheăng.

Xuân a Rôh trâm mâ kuăn pơlê, Khu kăn Kuô̆k hô̆i kong pơlê Dak Lak hiăng diâp 100 kơxuô tơmeăm ăm kong nhân pêi cheăng ai tơdroăng rêh xơpá a kong pơlê.