Khế 8 kố nah, tơring Ea Súp trâm pá xua tro têa kân lân lu. Prá alâi kế kâ, tu\m túa hdrê loăng pêt tro tro têa lân pơtâi pơtâng. Hngêi trăng tro têa lu, í peâp tro têa mơhiu. Rôh têa kân lân lu hiăng pro lu\p ‘na liăn ngân vâ chê 350 rơtal liăn. Tơdroăng rêh kâ ối dêi kuăn pơlê hiăng xơpá mê nôkố rế xơpá ó tâ, hên rơpo\ng nếo hluăn ing kơtiê mê nôkố hiăng ôh tá ai klâi.

Ngin troh a cheăm Êa Lê, môi tung 2 to cheăm ki djâ troăng ahdrối ‘na mơjiâng thôn pơlê nếo dêi tơring Ea Súp. Êa Lê bu kơtăn ing tơdế tơring tá hâi châ 10 km la kơto rơxế ô tô troh lối 30 phut a troăng ki prôk ngi kong pơlê hiăng tơ’nhiê, mâu tíu ki kơhlong kơhlăng. Êa Lê cho tíu ki pêt báu hên dêi tơring Ea Súp, kuăn pơlê ki pêi chiâk deăng pêi châ báu, la phái vâ châ tê tung kơchơ ối tơpá khât.

Troăng mot tung cheăm Êa Lê

Pôa Nguyễn Văn Hoa, kăn pơkuâ ngăn Đảng, Kăn hnê ngăn Vi [an cheăm Êa Lê ăm ‘nâi: Pêi pro tơdroăng pơkâ kơxo# 17 tung tơdroăng pơkâ dêi Tơnêi têa ‘na mơjiâng thôn pơlê nếo, [ă kơxo# liăn ki mơhnhôk tơlo ing kuăn pơlê, [ă tâi tâng kơxo# liăn ‘no ăm hneăng má môi [ă hneăng má 2 ai 344 rơtuh liăn, hơnăm kố cheăm hiăng pêi pro tơdroăng mơjiâng pro mâu kế tơmeăm a ilâng kiâ dêi cheăm.

Êa Lê ai 2.647 rơpo\ng, tung mê ai 1.124 rơpo\ng cho kuăn pơlê hdroâng kuăn ngo. Kơxo# rơpo\ng kơtiê, vâ chê kơtiê dêi cheăm Êa Lê vâ chê tơdế. Mê cho riân ngăn dêi 6 khế apoăng hơnăm 2019. Rôh kong mê têa kân lân lu a khế 8 kố nah hiăng pro tơ’nhiê lối hr^ng ha hdrê loăng pêt, prá alâi tiô riân châ lối 5 rơtal liăn. Xua mê, kơxo# rơpo\ng kơtiê, vâ chê kơtiê dêi cheăm tâk hên. Tiô pôa Nguyễn Văn Hoa tối, athế tơ’nôm pá 6 hơnăm ah nếo, troh hơnăm 2025 cheăm Êa Lê nếo pêi klêi tơdroăng pơkâ mơjiâng thôn pơlê nếo.

‘’Đảng [o# mơjiâng tơdroăng pơkâ ‘na mơjiâng thôn pơlê nếo, tăng troăng hơlâ ‘mâi mơnhông tung la ngiâ [ă hnê mơhno ăm khu rak ngăn, khu ki mơnhông mơdêk dêi thôn pơlê pêi pro. Vâi krâ nho\ng o kuăn pơlê hiăng môi tuăn to\ng kum, pleăng tơnêi, pleăng xiâm loăng, pleăng kế tơmeăm vâ mơjiâng thôn pơlê nếo. Nôkố cheăm pêi klêi 12 tung 19 tơdroăng pơkâ ‘na mơjiâng thôn pơlê nếo’’.

Chiâk deăng dêi pơlê akố hiăng tro têa lân lu tâi tâng

Kơnôm ing tơdroăng veăng kum dêi khu pơkuâ tơdroăng kal kí tung tơdroăng tối tơbleăng mơhnhôk mê kuăn pơlê a Êa Lê hiăng vâ môi tuăn khât tung tơ’noăng mơjiâng thôn pơlê nếo. Vâi krâ nho\ng o hbrâ rơnáu vâ pleăng tơnêi, kum hâi pêi cheăng vâ pro troăng prôk, mơjiâng ilâng kiâ.

Laga, cheăng kâ dêi kuăn pơlê ối xơpá mê tơdroăng ki mơhnhôk ivá kuăn pơlê veăng kum kế tơmeăm, liăn ngân cho tơdroăng pá pêi pro. Cheăm tá hâi ai hngêi hôp tơdjuôm, 19 to thôn dêi cheăm xuân tá hâi ai thôn ki lâi ai hngêi trâm mâ pơlê pơla. Pôa Hoàng Ngọc Khánh, a thôn 3 Ea Lê tối tiah kố: Kuăn pơlê tung cheăm, tung thôn môi tuăn kơhnâ khât [ă tơdroăng tơ’noăng mơjiâng thôn pơlê nếo.

Kố cho troăng hơlâ pơkâ kân dêi Đảng, dêi Tơnêi têa, tơtro [ă tơdroăng rêh ối rêm hâi dêi rêm ngế kuăn pơlê.

‘’Tâi tâng rêm ngế kuăn pơlê tung cheăm pơrá hlê ple\ng tơdroăng ki mơjiâng thôn pơlê nếo mê cho tơdroăng ki pơkâ tơdjuôm, ôh ti xê dêi Đảng, Tơnêi têa mê cho hnoăng cheăng dêi kuăn pơlê. Ai tơdroăng rêh ối thôn pơlê nếo mê tơdroăng rêh ối kuăn pơlê nếo mơnhông mơdêk.

Pơtih rơpo\ng á drêng mơjiâng thôn pơlê nếo mê châ pơkâ mơnhông mơdêk dêi thôn tối tơbleăng pêi pro tiô tơdroăng ki hnê mơhno dêi khu rak ngăn mơnhông mơdêk dêi cheăm. Mê rơpo\ng á pêi pro mâu tơdroăng: veăng [ă pơlê pơla kum hâi pêi cheăng vâ mơjiâng pro mâu troăng prôk tung thôn pơlê xuân môi tiah mâu troăng prôk ngi klêng.

Ki nhên thôn ngin châ tơnêi têa ‘no liăn mơjiâng pro môi to troăng prôk, mê rơpo\ng á rơtế [ă vâi krâ nho\ng o vâ mơjiâng pro. Troh nôkố hiăng ai troăng prôk ki le\m tung kơpong kuăn pơlê rêh ối’’.

Pôa Nguyễn Đình Toản, kăn pho\ hnê ngăn Vi [an tơring Ea Súp ăm ‘nâi, Ea Súp ai 9 to cheăm mê nếo ai 3 to cheăm pêi klêi 12 troh 14 tơdroăng pơkâ mơjiâng thôn pơlê nếo. Ai 5 tơdroăng pơkâ tá hâi ai cheăm ki lâi pêi klêi, tung mê, mâu tơdroăng pơkâ ‘na troăng prôk, ‘na kơxo# liăn pêi lo, kơdroh rơpo\ng kơtiê cho mâu tơdroăng ki xơpá chiâng vâ pêi pro tung mâu hơnăm la ngiâ.

‘’Tơdroăng pơkâ ‘na kơdroh kơtiê xuân cho tơdroăng pơkâ ki xơpá má môi. Xua tơdroăng rêh ối dêi kuăn pơlê hiăng xơpá mê nôkố ai tơ’nôm tơdroăng ki kuăn pơlê tíu ê mot rêh ối hmâng vâ. Mê trâm kong mê khía mơhot têa kân lân lu đi đo, lơ kong tô mơdrăng, pêi lo liăn dêi kuăn pơlê ôh tá châ hên.

Tơdroăng rêh ối dêi kuăn pơlê trâm hên xơpá, gá tơdjâk troh tơdroăng ki mơhnhôk ivá kuăn pơlê vâ mơjiâng thôn pơlê nếo. Troăng hơlâ vâ ‘mâi rơnêu tơdroăng kố, mê môi pâ ngin mơdêk mơhnhôk kuăn pơlê tơku\m pêt mơjiâng, hơ’lêh mâu hdrê pêt ăm tơtro a cheăm môi tiah tơnêi, kong prâi. Ki ê, ngin krếo thế mâu khu mơdró kâ ‘no liăn tung tơdroăng to\ng kum kuăn pơlê pêi chiâk deăng. Mơdêk ‘no liăn ing mâu kơxo# liăn dêi tơnêi têa, krếo thế Tơnêi têa [ă kong pơlê to\ng kum tung tơdroăng rak tơniăn rêh ối ăm kuăn pơlê’’.

Ea Súp hiăng pêt lối 10 rơpâu ha loăng hôt [ă lối rơpâu ha kơxu la pơrá tro lu\p tâi tâng xua tơnêi tơníu [ă kong prâi a kố ôh tá tơniăn. Ki hên kuăn pơlê bu ‘nâi mơnhông mơdêk cheăng kâ [ă tơdroăng ki mơdâ pêt báu klâng, pêt pôm loăng [ă kơtếo. La kố bu cho mâu hdrê loăng vâ hluăn kơtiê, xua pêi lo liăn iâ, rêm hơnăm tá hâi troh 40 rơtuh liăn/ha. Mê tá hâi tối troh hdrê loăng pêt ki tro pơreăng kâ ‘nhiê, báu, pôm hbrâ vâ lâk xo mê tro têa lân lu. Pro klâi vâ kuăn pơlê tơniăn tung rêh ối, hluăn kơtiê tiô túa ki krá tơniăn vâ mơjiâng môi kơpong thôn pơlê  ki rơdêi ‘na cheăng kâ, krá tơniăn ‘na kring vế pơlê pơla cheăm bêng, kring vế, gak ngăn dế cho rơkong kơ-êng tá hâi [ai tiâ mơnhên.

            Lê Xuân Lãm chêh

Katarina Nga tơplôu [ă tơbleăng