VOV4.Sêdang - Kơxo lơ 8/10 a Hà Nội, Khu xiâm pơkuâ ‘na pêi chiâk deăng ƀă mơnhông thôn pơlê tơkŭm po hneăng hôp mơ’no tơdrêng tung um tiô troăng măng Internet lâp tơnêi têa ‘na ‘’Mơnhông păn mơnăn mâu khế mơ’nui hơnăm 2021 ƀă pêi pro pơkâ hơnăm 2022’’. Trâm hên pá puât, pơloăng mơnúa môi tiah: pơreăng COVID-19 a mơngế ƀă pơreăng xông tâ tú a mơnăn păn hên ó; tíu tê trâm pá puât tơdrêng amê yă tơmeăm păn tâk hên laga ki kơnâ pêi kâ dêi kơvâ păn mơnăn mơnôa tiô tối hdrối xuân tâk 4,2% tâng pơchông ƀă roh kố hơnăm nah.

Pơtối mê, 9 khế kố nah, tâi tâng kơxô̆ hơ’lêh tê mâu tơmeăm ing mơnăn châ lối 4,7 rơtuh tâ̆n; lối 12 rơtal kơtâ í ƀă vâ chê 900 rơpâu tâ̆n têa tôu ro. Tiô mơnhên tơdjuôm, kơvâ păn mơnăn mơnôa mâu khế mơ’nui hơnăm pơtối trâm hên pá puât kal thế tah lôi, ki má lối cho tơdroăng prôk lăm, pơto chu ƀă mâu tơmeăm kum tung păn mơnăn mơnôa vâ pơtối rak khu mơnăn păn ƀă vêh păn, tơdrêng amê, rak tơniăn tê ăm tiô tơdroăng kal vâ mâu khế mơ’nui hơnăm, roh Têt Lo hơnăm nếo ƀă môi iâ cho vâ tê ngi kong têa ê.

A Sa Ly tơplôu ƀă tơbleăng