Pơlê B’Nơr C dêi hdroâng kuăn ngo K’ho ối a kơdâm chêng ngo Langbiang, tơring Lạc Dương ôh tá tơviah klâi [ă tơmối tung tơnêi têa [ă kong têa ê mâu hơnăm achê kố. Mê cho môi to pơlê ki ku\n xuân ối châ rak vế ki le\m tro tơviah [ă tơniăn dêi kuăn pơlê a tíu kố.

Môi khu tơmối lăm troh a pơlê K’ho B’Nơr C a chêng ngo Langbiang

Rơnó ki ối xo, tung mâu hngêi tâl [ă mâu péa ku\n ki ai hên mơngiơk ki le\m mơnâ mâ ngăn, mơngế vâi droh K’ho ‘nân a tíu ki teăn kế tơmeăm ton nah. Tơmối ôm hyô mot tung pơlê, vâi sôk ro tơpui tó, tơdah [ă xuân ôh tá piu tơdroăng ki tơbleăng tối ‘na kế tơmeăm ki vâi hiăng klêi teăn dêi hdroâng kuăn ngo tơná.

Nâ Ka Hen, 45 hơnăm ăm ‘nâi, tơmối ôm hyô troh hyô ngăn, tí tăng ‘nâi ‘na tơdroăng cheăng teăn hmôu tâng ai kơbố kal vâ roê kô châ kuăn pơlê a tíu kố tê ăm tơdrêng hlối, mê châ ngăn pêi lo liăn tơ’nôm tung mâu rôh ki ối xo xo.

Tơmối rak vế um tung phôn râng ko\ng tung mâu rôh châ prôk a pơlê cheăm mơngế K’ho

Cho ngế ki xiâm dêi ‘’tíu xiâm tơdah tơmối’’ a [uôn B’Nơr C, nâ Rolan Cơ Liêng, 33 hơnăm hiăng po môi kơpong ki tơdah tơmối, mơđah tơbleăng mâu kế tơmeăm kơphế Arabica [ă tơbleăng túa pơkâ pêt mơjiâng kơphế ki kơhiâm kố.

{ă tơdroăng ki rơkê ‘nâ nâl Ănglê, Rolan Cơ Liêng ối tơdah tá mâu khu tơmối kong têa ê troh a pơlê. Klêi kơ’nâi tơbleăng tối ăm tơmối ‘na ki xú le\m dêi kơphế kong pơlê, nâ ối djâ khu tơmối lăm troh a lâp lu pơlê, cheăm, tối ăm vâi ‘nâi ‘na mâu khôi túa le\m tro dêi kong pơlê, tơdroăng rêh ối dêi kuăn pơlê lơ ‘na tơdroăng cheăng teăn hmôu dêi hdroâng kuăn ngo tơná.

Tơmối tí tăng ‘nâi ‘na teăn hmôu dêi hdroâng kuăn ngo K’ho

Rolan tối: ‘’Tơmối kong têa ê vâi vâ tí tăng ‘nâi ‘na khôi túa le\m tro mê pin hbrâ rơnáu mơdoh dêi hâi chôu vâ djâ vâi lăm tí tăng ‘nâi troh a pơlê cheăm vâ mơđah tơbleăng ‘na ki le\m tơviah krê dêi mơngế K’ho. Mê xuân cho môi túa ki pro ôm hyô krê dêi pơlê, cheăm’’.

Drêng mơgêi rôh lăm pôu, tí tăng ‘nâi túa pơkâ pêt kơphế Arabica ki kơhiâm a kơdrum, tơdroăng ki mơhno túa le\m tro dêi teăn hmôu khôi vâi krâ nah dêi mơngế K’ho, ngế tơmối kơdrâi Trần Thanh Hải, Pơlê kong kân Hồ Chí Minh hâk vâ: ‘’Á troh a Đà Lạt hên hdroh la kố cho rôh ki apoăng á mơnúa ngăn tơdroăng ki hơniâp ro môi tiah kố. Mâu tíu troh môi tiah Thung Lũng Tình Yêu, Langbiang, long Thanh Thở hiăng hmâ khât, nôkố troh a pơlê cheăm môi tiah kố nếo hlo a Đà Lạt ối ai mâu tíu ki ro tâ ki ê nếo’’.

Tơnêi tíu tơniăn le\m tung môi toăng hngêi tơdế pơlê

Tung pơla mê, pôa Neil Sumer, mơngế ing kong têa Australia tối ăm ‘nâi, pôa hâk vâ khât lăm ôm hyô tí tăng ‘nâi khôi túa le\m tro dêi kuăn pơlê akố. Kơnôm mê, pôa châ tí tăng ‘nâi tơdroăng rêh ối tiah hmâ, khôi túa le\m tro tuăn hiâm dêi mơngế K’ho a tíu kố ai tơdroăng ki phá tơviah môi tiah lâi [ă tơnêi têa pôa.

Mâu hơnăm achê kố, kơpong k^ng achê Đà Lạt mơjiâng mâu pơlê, cheăm K’ho hiăng [ă dế chiâng tíu troh ki nếo, tơviah ăm tơmối. Mê cho pơlê kuăn í K’Long, cheăm Hiệp An, tơring Đức Trọng, cho pơlê hdroâng kuăn ngo a kơdâm văng Tà Nung, cheăm Tà Nung, Đà Lạt, pơlê hdroang kuăn ngo Dà Blah, Long Lang, cheăm Dà Nhim, Lạc Dương [ă hên tíu ki ê.

Nâ Ngọc Nhiên, tơmối troh ing Cà Mau ăm ‘nâi, rơnó tô kố kuăn nôu prế ai rôh ôm hyô troh Đà Lạt, iâ hâi la nâ Nhên mơdoh hlối môi hâi roê tour ôm hyô tí tăng ‘nâi pá gong Đà Lạt.

Tíu troh ki apoăng cho pơlê hdroâng kuăn ngo K’ho a cheăm Tà Nung pro kuăn nôu nâ sôk ro khât. ‘’Troh a pơlê, ngin châ tí tăng ‘nâi ‘na khôi túa le\m tro dêi kuăn pơlê akố. Vâi hâk vâ kơ tơmối, tơpui tối ro, mâu vâi kơdrâi tung pơlê ối krí plâi nong ki vâi pêt tung kơdrum ăm kuăn á, mê muăn ro khât. Cho môi tơdroăng chôu vế ôh tá la lâi kâi piu, nâ Nhiên tối tiah mê.

‘Nâi nhên tơdroăng ki rơhêng vâ dêi tơmối, hên ko\ng ti ôm hyô, khu tơdah tơmối hiăng pơkâ mâu pơlê cheăm mot tung tour tí tăng ‘nâi dêi tơná. Ing mê, vâ pro chiâng môi tơdroăng ki nếo tơviah, hơniâp ro drêng hên tíu ôm hyô dêi kơpho# ngo Đà Lạt hiăng hmâ khât [ă tơmối.

Pôa Nguyễn Thư Bính, kăn [o# {ơrô cheăng mơhno túa le\m tro tơring Lạc Dương tối tiah kố, veăng tung ôm hyô a mâu pơlê cheăm hdroâng kuăn ngo dế chiâng tíu ki tơ’mot tơmối tung tơnêi têa [ă kong têa ê troh [ă mâu kơpong k^ng dêi pơlê kong kơdrâm Đà Lạt. Malối, a mâu pơlê, cheăm ối mơjiâng mâu tíu ki pơtê chêng, tíu tê kơphế, ôu kâ, homestay vâ kum tơmối ôm hyô mê tơmối hâk vâ khât.

Huệ rah chêh

Katarina Nga tơplôu [ă tơbleăng