VOV4.Sêdang - Cho hok tro hdroâng kuăn ngo, tơdroăng rêh ối dêi rơpo\ng hngêi trâm hên xahpá la o Hoàng Ngọc Cường, ối a thôn 1, cheăm Ea Sar, tơring Ea Kar, kong pơlê Dak Lak hiăng mơ-eăm tơkâ hluâ xahpá vâ tơku\m hriâm tâp. Rôh tơ’noăng đăi hok hdrối kố nah, o châ 27 điâm tơdế, châ mot hriâm a Hngêi trung đăi hok Kăn sât Pơlê kong kân Hồ Chí Minh. Hương Lý, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối ki kơdôu mơ-eăm hriâm, tơkâ xahpá dêi o Hoàng Ngọc Cường.

Hơnăm 1990, rơpo\ng o Hoàng Ngọc Cường, hdroâng kuăn ngo Tày, sap ing Cao Bằng mot a kong pơlê Dak Lak mơjiâng tơdroăng cheăng kâ, xuân drêng o nếo pơxiâm mot hriâm lâm 1. Ki hên kuăn pơlê hdroâng kuăn ngo Tày nếo xe\n ối a thôn 1, cheăm Ea Sar, tơring Ea Kar, rơpo\ng pôa Cường trâm pá puât hên, ôh tá tu\m liăn ngân vâ pêi cheăng. Pôa Hoàng Văn Nhượng, pâ Cường tối ăm ‘nâi, xua kơtiê kơklêa, hngêi trung hơngế, mê kuăn kơnốu rơmúa pơtê hriâm, kum nôu pâ pêi cheăng. Cường ai tuăn hiêm ‘nâi mơ-eăm hriâm, xua mê, rơpo\ng xuân mơ-eăm. Rơneh kuăn xuân púi vâ dêi kuăn châ hriâm ai cheăng pêi, vâ nôu pâ châ niên nok tâ iâ. Môi tiah nôu pâ nah pá puât, ôh tá châ hriâm, nôkố pá puât môi tiah mê. Nôu pâ lăm akố pêi chiâk deăng. Xua mê, ăm kuăn mơ-eăm hriâm, kô chía tâ iâ, a đi đo mơhnhôk kuăn môi tiah mê, ga xuân tối dêi tơná kô mơ-eăm hriâm.

            Tơdroăng troh hngêi trung hriâm dêi o Hoàng Ngọc Cường xuân pá puât. Rêm hâi troh hngêi trung, o prôk chêng tơkâ hluâ 7 km. Rơnó tô tơnêi kơtâk, rơnó mêi troăng to trâp. Hên roh, kum nôu pâ pêi cheăng, mê o thế tơkâ têa kroăng a ngiâ hngêi, lăm troăng chiâk deăng vâ teăm chôu, troh hriâm a hngêi trung. Pá puât tiah mê, laga hơnăm hriâm ki lâi Cường xuân châ mơnhên cho hok tro hriâm rơkê. Tối ‘na ivá hriâm dêi o Hoàng Ngọc Cường, thái pơkuâ lâm Cường, cho Thái Văn Mạnh tối: Tung tơdroăng hnê hriâm,, Cường cho môi ngế hok tro ‘nâi mơ-eăm tung hriâm tâp, Cường kơhnâ khât tung hriâm tâp, xua mê a mơhnhôk Cường, ing mê, hnê mơhno ăm ga troăng prôk, vâ ga ‘nâi mot hriâm kơvâ Ko\ng an, vâ la ngiâ ai cheăng pêi tơniăn.

            Tiô mơhno troăng dêi thái pơkuâ lâm, tơdroăng mơ-eăm tơkâ hluâ pá puât kơdôu hriâm tâp, hneăng tơ’noăng râ má pái phôh thông kố nah, Hoàng Ngọc Cường hiăng châ plah, mot hriâm a hngêi trung Đăi ho\k Kan sat, pơlê kong kân Hồ Chí Minh, [a\ châ 27 điêm tơdế. Tơdah mơ-éa châ plah hriâm Đăi ho\k, rơpo\ng Cường rế sôk ro rế tô tuăn, tô tuăn xua ôh tá ai liăn nâp hriâm a pơlê kong kân Hồ Chí Minh. Xua mê, drêng tơkôm troh hâi mot hriâm, Cường rế kum dêi nôu pâ pêi chiâk deăng rế  lăm pêi cheăng ăm vâi ki ê, vâ tăng liăn hriâm tâp. Rơpo\ng pá puât, hriâm Đăi ho\k mơ’no hrê hên liăn ngân, xua mê, á lăm tăng pêi cheăng vâi ki ê, kum nôu pâ tăng liăn vâ hriâm Đăi ho\k. Tơdroăng ki á tô tuăn, mê cho hriâm đăi ho\k nâp hên hnoăng liăn hriâm, nâp hên liăn, tơdroăng hriâm phá tâ râ má 3, xua mê, ai hên pá puât [a\ pơloăng mơnúa [a\ a.

            Tâng tối Cường plah hriâm đăi ho\k, rơpo\ng ga sôk ro, lâp kơtâu xuân sôk ro há. Pôa Chu La Đồng, Ngế pơkuâ mâu ngế hơnăm hiăng krâ thôn 1, cheăm Ea Sar tối ăm ‘nâi: a kơpong pá puât kố, tơdroăng lăm hriâm dêi mâu vâi o pá puât, xua mê hên hok tro hdroâng kuăn ngo châ plah đăi ho\k [a\ điêm hên môi tiah Hoàng Ngọc Cường cho tơxâng vâ pơ-ôu pơ-eăng [a\ khe#n kơdeăn. Pak^ng hriâm a hngêi trung, vêh a hngêi Cường ối kum nôu pâ pêi chiâk deăng. Drêng troh rơnó, mê lăm po văng nhâ báu, păn ro, păn chu. Cường xuân hlê ple\ng, châ hriâm chư, mê nếo ‘nâi khoa ho\k kih thua#t kum rơpo\ng [a\ pơlê pơla.

            Hngêi trung Đăi ho\k hiăng hbrâ tơnáu tơdah mâu sinh viên nếo, Hoàng Ngọc Cường hbrâ dêi kế tơmeăm khoăng, lo sap ing kơpong tơbăng kân rơdâ Dak Lak chu a pơlê kong kân Hồ Chí Ming vâ hriâm, mơni kô trâm hên pá puât. Laga [a\ tơdroăng mơ-eăm dêi rơtăm hdroâng kuăn ngo, kot mâ [a\ xông kân tung kơpong kơtiê, Cường kô mơ-eăm hriâm tơtro vâ chiâng mơngế kăn [o# ko\ng an kuăn pơlê./.

A Sa Ly tơplôu [ă tơbleăng