VOV4.Sêdang - Kơxêi lơ 23/4, pôa Nguyễn Xuân Phúc, Ngế pro xiâm hnê ngăn tơnêi têa, xuân cho Ngế xiâm hnê ngăn Chin phuh hiăng ai rôh hôp [ă mâu kăn xiâm, kơvâ cheăng, mâu kăn kong pơlê ‘na tơdroăng tơkêa bro BOT troăng prôk.

A rôh hôp, Ngế xiâm ngăn ‘na troăng prôk hiăng tối tơbleăng tơdroăng séa ngăn ‘na tơkêa bro BOT [ă mâu troăng hơlâ, tơdroăng tối tơbleăng pêi tiô troăng hơlâ tung la ngiâ, tung mê, ai tơdroăng xo liăn nâp prôk troăng ki tô-ma-tik rơxế oh tá eâ tot.

Tối mơgêi a hneăng hôp, pôa Nguyễn Xuân Phúc tối kal tơku\m pêi mâu tơdroăng cheăng ki hâi pê klêi, ki pêi oh tá tơ-[rê, ối tơvâ tơvân tá hâi thế xo liăn ăm, kơlo xo, kơdroh xo liăn kuăn pơlê kơpong troăng prôk BOT [ă hên ki ê, malối kal tah lôi kơxo# liăn nâp ki oh tá tro luât dêi mâu tíu xo liăn nâp prôk troăng tiô tơkêa bro BOT.

A hneăng hôp, Ngế pro xiâm hnê ngăn tơnêi têa vâ môi tuăn [ă tơdroăng hơ’lêh ăm xo liăn tô-ma-tik la rơxế oh tá eâ tot. Ngế xiâm pơkuâ ngăn troăng prôk rơxế kơtâu re\ng tơbleăng ‘na prôk troăng ăm kuăn pơlê, khu mơdró ‘nâi nhên.

Gương tơplôu [ă tơbleăng