VOV4.Xơ Đăng - A Hngêi hơdruê kân Hà Nội nếo po Leh diâp pri tơ’noăng lâp tơnêi têa ‘na tơdroăng tơpui kâ rôh má 7. Tơpui a rôh leh, pôa Phạm Minh Chính, Ngế pro xiâm hnê ngăn Chin phuh tối nhên: “Tơdroăng tơpui kâ ai hnoăng cheăng kal khât, pro ăm mâu kong têa tung lâp plâi tơnêi ‘nâi nhên troăng hơlâ pơkâ dêi Đảng, luât dêi Tơnêi têa; veăng tơpui tối, tŏng kum túa tơmiât dêi Việt Nam ƀă mâu tơdroăng tung kơpong ƀă a kong têa ê; mơđah tơbleăng um méa tơnêi têa, kuăn mơngế, tơdroăng ton nah, mơhno túa lĕm tro dêi hdroâng kuăn ngo ƀă mâu tơdroăng ki hiăng pêi pro klêi mơnhông mơdêk dêi tơnêi têa pin”.

Ngế pro xiâm hnê ngăn tơnêi têa diâp pri tơ’noăng lâp tơnêi têa ‘na tơdroăng tơpui kâ rôh má 7

Tiô khu tơkŭm po, mâu hlá tơbeăng ki veăng tơ’noăng hơnăm kố ai hên mâu tơdroăng ki kal, mâu tơdroăng tơkŭm po, mâu tơdroăng ki xiâm tung hơnăm 2021. Ki xiâm cho tơdroăng ki hiăng châ xúa kơmăi kơmok ki rơkê plĕng, ai kơnía ‘na tơdroăng tơpui kâ, pro tơdjâk troh lâp lu, tơ’mot châ tơdroăng ki tơmâng ngăn dêi kuăn pơlê tung tơnêi têa ƀă a kong têa ê.

Katarina Nga tơplôu ƀă tơbleăng