VOV4.Sêdang - Kơxê lơ 31/10, a Ănglê, pôa Phạm Bình Minh, Ngế pro xiâm hnê ngăn Chin phuh hiăng veăng hôp, veăng mơnhên ngăn hâi leh kĭ tơhrâ, pơcháu 26 tơdroăng tơhrâ tơrŭm cheăng tung mâu tơdroăng pơla Việt Nam ƀă mâu kong têa ki tơrŭm ƀă dêi Ănglê.

Pôa Phạm Minh Chính, Ngế pro xiâm hnê ngăn kong têa ngăn mơnhên hâi leh kĭ tơhrâ

Tung kơxô̆ 25 tơdroăng tơhrâ châ kĭ, pơcháu, ai hên tơdroăng tơhrâ, tơrŭm cheăng ai pơxúa châ mâu kăn ƀô̆, kơvâ cheăng kĭ tơhrâ, tơdah xo: Tơdroăng veăng tung kơthô hriăn plĕng ki nếo dêi khu tơrŭm kơdroh mơ’no tơbleăng ing toădroăng mơdêk liăn ngân pêi cheăng ‘na loăng kong; Tơhrâ Tơrŭm cheăng mơjiâng pơkâ pêi pro vâ mơdêk tơrŭm cheăng ƀă mâu tíu hnê hriâm Đại học pơla 2 tơnêi têa; Hlá mơ-eá chêh ‘na tơdroăng mơdêk tơrŭm tung hnê hriâm ing tơdroăng hnê tối ăm dêi rơpó túa pêi cheăng ƀă mâu tơdroăng hnê; Tơhrâ tơrŭm mơjiâng mâu tơdroăng hên hriâm ‘na mơngế ăm tơdroăng pơkâ ‘no liăn cheăng ƀă kum mâu Khu mơdró pơxiâm pêi cheăng ăm Việt Nam; tơhrâ tơrŭm cheăng ‘na hơ’leh cheăng ƀă kơmăi kơmok ‘na rak tơnêi tơníu ƀă hnê mâu ngế pêi cheăng ki tơdjâk troh.

Rôh kố Khu ngăn tơƀai Vietjet (Việt Nam) ƀă Grup Rolls-Royce dêi Ănglê  hiăng kĭ tơhrâ ăm ƀă mơdró kơmăi ăm tơ-ƀai ki ai châ kân rơdâ ƀă tâi tâng kơnâ lối 400 rơtuh dollars.

Gương tơplôu ƀă tơbleăng