VOV.Sêdang - Pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp [ă khu xiâm, kơvâ cheăng ai tơdjâk troh, Vi [an hnê ngăn pơlê kong kân Hồ Chí Minh ‘na tơdroăng tơleăng mơnhên săm phoăng, săm tơkêng dêi kuăn pơlê ‘na tơkêa bro kơpho# Thủ Thiêm.

Ngế pro xiâm hnê ngăn tơnêi têa tối mơgêi: tung hnoăng pêi pro tiô tơdroăng tơkêa bro ôi ai tíu ki pro oh tá tro tung rak ngăn tơnêi, pơkâ hdró, chêh ‘măn tung hồ sơ, tơleăng mơnhên tơdroăng săm phoăng, săm tơkêng [ă hên ki ê. Hnoăng cheăng cho dêi mâu khu xiâm, kơvâ cheăng, ki hdrối cho mâu kăn rêm râ pơlê kong kân.

Ngế pro xiâm hnê ngăn tơnêi têa tối nhên: Thế pơkâ tro tiô troăng hơlâ dêi luât hiăng pơkâ, tơdroăng pêi ki lâi tro thế pơtối tối nhên, mơhnhôk pêi, tơdroăng ki lâi ôh tá tro thế ‘mâi rơnêu, tung pơla tơleăng mơnhên thế tơku\m po hôp tơpui tơno tơbleăng ăm kuăn pơlê ‘nâi, tăng troăng vâ môi tuăn ‘na troăng hơlâ tơleăng mơnhên, tâng lơ ai xôi thế tăng troăng pêi pro vâ tơkâ luâ ki oh tá tro mê, [ă thế tơleăng mơnhên klêi tơrêm tơdroăng cheăng.

Ngế pro xiâm hnê ngăn tơnêi têa pơcháu ăm Khu séa ngăn Chin phuh tí tăng ngăn, mơnhên mâu tơdroăng săm phoăng dêi kuăn pơlê, tối mâu tơdroăng vâ tơleăng tro tiô pơkâ dêi luât, tơbleăng ăm Ngế pro xiâm hnê ngăn Chin phuh hdrối hâi lơ 15/7 la ngiâ.

Gương tơplôu [ă tơbleăng