VOV4.Sêdang - Xông tơpui a hneăng hôp tiah hmâ dêi Chin phuh ‘na hbrâ tơplâ, hbrâ, mơdât  pơreăng Covid-19 po a kơxo hâi lơ 11/9, pôa Nguyễn Xuân Phúc, Ngế pro xiâm hnê ngăn tơnêi têa mơnhên tối, tơdroăng tâ tú dêi pơreăng hiăng chía, hiăng kâi châ mơdât. 3 khế ki u ối cho kal păng’nâng [ă Việt Nam kô pêi pro hên luâ tâ 2 hdroh, kho\m châ tâk châ 3%. Tiah mê, Ngế pro xiâm hnê ngăn hiăng pơkâ thế rêm ngế kuăn pơlê [ă khu mơdró kâ mơnhên hnoăng cheăng pêi tiô chal nếo.

Ngế pro xiâm hnê ngăn pơkuâ ngăn roh hôp mơ’no tơdrêng tung um tơvi ‘na hbrâ tơplâ mơdât pơreăng Covid-19

Hiâm mơno ki kal tâ mê cho mâu khu râ, kơvâ cheăng xiâm, mâu kong pơlê, pơlê kong kân kal athế to\ng kum tơ’lêi hlâu ăm kuăn pơlê châ tơru\m tê mơdró kâ, ôh tá pro pá, ôh tá pro hrá. Mơdât tơdroăng ki lơ pro kơtăng luâ râ tung ‘’Prôk lăm, tê mơdró kâ’’, bu tô tuăn to ‘na tơdroăng hbrâ mơdât pơreăng la ôh tá vâ thăm mơdêk tung pêi cheăng kâ-tê mơdró.

Ngế pro xiâm hnê ngăn mơnhên tối ‘ló khât 15 kong pơlê, tung mê ai Đà Nẵng, Quảng Nam, Hải Dương [ă mâu kong pơlê ki ê hiăng tơru\m cheăng châ tơ-[rê khât [ă kơvâ ngăn ‘na pơkeăng [ă khăm pơlât, mâu khu râ, kơvâ cheăng rak vế, pêi pro tiô tơdroăng hnê tối, pơkâ thế dêi Chin phuh [ă Ngế pro xiâm hnê ngăn Chin phuh ‘na hbrâ, tơplâ, mơdât pơreăng.

Ngế pro xiâm hnê ngăn xuân hiăng pơkâ thế mâu khu râ, kơvâ cheăng, kong pơlê, pơlê kong kân athế hbrâ rơnáu hdrối drêng lơ ai pơreăng tâ tú kân troh a mâu kong pơlê, malối a mâu hngêi pơkeăng, tíu khăm pơlât, mâu kơ koan, mâu hngêi kơmăi kơmok, mâu pơlê cheăm 

Gương tơplôu [ă tơbleăng