VOV4.Sêdang - Peăng xêi lơ 31/7, pôa Nguyễn Xuân Phúc, Ngế pro xiâm hnê ngăn tơnêi têa hiăng lăm ngăn tơdroăng mơjiâng pro troăng prôk Trung Lương – Mỹ Thuận. Kố cho roh má 3, riân sap ing hâi tơdroăng tơkêa bro châ ‘mâi rơnêu sap ing khế 3/2019, pôa Nguyễn Xuân Phúc hiăng lăm pôu ngăn a tíu ki mơjiâng pro, hnê tối kơdroh tah ki xahpá, tơvâ tơvân vâ kơ tơniăn ăm tơdroăng mơjiâng pro klêi troăng prôk a mơ’nui hơnăm 2020.

Tối tơbleăng dêi Ngế pro xiâm hnê ngăn a tíu vâi dế gu pro troăng mê, Khu hnê mơhno Ko\ng ti tơlo liăn cheăng BOT Trung Lương-Mỹ Thuận tối ăm ‘nâi, troh nôkố, tơdroăng tơkêa bro mê hiăng klêi kơtâk tơnêi, hmốu drô troăng. Tâng vâ ngăn [ă hâi ki Ngế pro xiâm hnê ngăn lăm ngăn pro troăng a khế 3 /2020 nah, hnoăng cheăng pêi pro kố hiăng châ tâk hên luâ tâ vâ châ tơdế, tâk châ 20%, mơni kô pêi pro klêi a mơ’nui hơnăm 2020.

Klêi kơ’nâi tơmâng tơdroăng tối tơbleăng mê, pôa Nguyễn Xuân Phúc pơkâ thế: Kố cho troăng prôk ki tơtro [ă kuăn pơlê a kơpong tơbăng kroăng Cửu Long, vâ pơtối mơnhông mơdêk tơdroăng pêi cheăng kâ, rêh ối pơlê pơla tung kơpong; pơkâ thế Khu xiâm ngăn ‘na troăng prôk hnê mơhno, pơkâ djâ tơdroăng ki tơtro vâ khoh re\ng pêi pro klêi troăng prôk tơniăn.

Nhat Lisa tơplôu [ă tơbleăng