VOV4.Sêdang - Peăng xêi lơ 14/8, pôa Nguyễn Xuân Phúc, Ngế pro xiâm hnê ngăn tơnêi têa ‘mâi rơnêu tiô rơnó tơmeăm khoăng mâu tíu a Hngêi ‘măn poăng Pôa Hồ Chí Minh sap ing hâi lơ 15/6 troh lơ 14/8/2020. Pơtối mê, Ngế pro xiâm hnê ngăn tơnêi têa pêi cheăng [ă Khu rak ngăn hngêi ‘măn poăng Pôa.

Ngế pro xiâm hnê ngăn tơnêi têa vâ lôu péa nếo tơdah tơmối pôu ngăn a hngêi ‘măn poăng Pôa Hồ Chí Minh sap hâi kố, lơ 15/8. Tiô tối tơbleăng dêi Khu rak ngăn Hngêi ‘măn poăng Pôa Hồ Chí Minh, hdrối vâ ai pơreăng Covid-19, Khu rak ngăn Hngêi ‘măn poăng Pôa hiăng tí tăng ‘nâi ple\ng thế pơtê lăm pôu ngăn Pôa Hồ Chí Minh, Kăn xiâm hnê ngăn tơnêi têa hneăng hdrối, tơbâ troh mâu lêng khên tơnôu [ă lăm ngăn kơpong bêng hngêi ‘măn poăng, Plông kân Ba Đình sap ing hâi lơ 23/3/2020 nah.

Drêng pơreăng hiăng châ kâi mơdât. Khu rak ngăn hiăng tối tơbleăng ăm Ngế pro xiâm hnê ngăn tơnêi têa ăm phêp pơtối po nếo vâ ăm kuăn pơlê châ mot ngăn drêng vâ troh leh tơbâ lơ 30/4 [ă lơ 1/5 sap hâi lơ 30/4/2020. 

Khu rak ngăn hiăng pêi pro tơniăn ‘na ki krúa le\m, rak tơniăn [ă pro klêi pơ’lăng tro hâi khế pơkâ. Klêi ‘mâi rơnêu, châ Pôa pơtối châ rak ngăn ăm krâu khât má môi.

Gương tơplôu [ă tơbleăng