VOV4.Sêdang - Tơpui mơgêi a hneăng hôp dêi Ngế xiâm hnê ngăn Chin phuh ‘na tơdroăng, hbrâ mơdât COVID-19, pôa Nguyễn Xuân Phúc, Ngế pro xiâm hnê ngăn tơnêi têa tối nhên, tơdroăng plâ mơdât Covid-19 a tơnêi têa pin hiăng pơxiâm a rôh ki khât, la thế pôi tá préa, pêi pro kơtăng tâ.

Thế pôi tá ăm ai tơdroăng ki oh tá tu\m tơmeăm ki xúa tung khăm pơlât ăm ‘na hbrâ mơdât pơreăng. Ngế pro xiâm hnê ngăn tơnêi têa hnê mơhno ăm Khu xiâm ngăn pơkeăng [ă mâu kong pơlê pêi pro tơdroăng ki tro tiô pơkâ dêi luât xo pêi tơdroăng cheăng [ă pôi tá ăm ai tơdroăng kâ kơluâ.

‘Na tơ’noăng mơgêi râ má pái phôh thong, Kăn xiâm ngăn hnê hriâm [ă hnê tuăn ngôa rơkê [ă khu hnê mơhno tối ăm ‘nâi, troh pơla kố, mâu kong pơlê thế hbrâ tơdroăng tơ’noăng, hnoăng cheăng pêi. Riân troh 6 chôu kơxo lơ 7/8, Khu xiâm hiăng xo hlá mơ-éa tối tơbleăng dêi 3 to kong pơlê, pơlê kong kân ‘na tơdroăng ai 93 ngế ki tung F1, [ă F2 [ă kô ăm mâu ki mê tơ’noăng kơ’nâi ah.

‘Na tơdroăng krâ ‘măn ứng dụng Bluezone veăng vâ châ ‘nâi, hbrâ mơdât pơreăng Covid-19, troh nôkố hiăng ai 8,5 rơtuh toăng phôn ki rơkê hiăng kài ‘măn ứng dụng mê. Ngế pro xiâm hnê ngăn tơnêi têa  thế rêm ngế kuăn pơlê ki ai phôn râng kong rơkê thế krâ ứng dụng Bluezone.  

Gương tơplôu [ă tơbleăng