Ngế pro xiâm hnê ngăn tơnêi têa xông tơpui a hneăng hôp

Tối ‘na tơdroăng mơnhông mơdêk hnơng cheăng krá tơniăn, Ngế pro xiâm hnê ngăn tơnêi têa tối, ing mơdêk cheăng kâ troh krá tơniăn ôh tá xê to tơdroăng hơ’lêh inâi, tung mê, ai tá tơdroăng ki hơ’lêh tung hiâm tuăn, hlê ple\ng. Tiô Ngế pro xiâm hnê ngăn tơnêi têa tối, mơdêk cheăng kâ, môi tiah tiô vâi krâ nah, mê cho mơhno tơdroăng mơdêk pêi lo liăn rêm pơ’leăng mâ mơngế.

Laga, séa, hdró ngăn ‘na mơdêk chea\ng kâ sap ing ton nah hiăng châ tối ai hên tơdroăng ki tơvâ tơvân tá hâi châ tơ-[rê khât. Pơtih ai mâu kong têa pêi lo liăn rêm pơ’leăng mâ mơngế tơ’mô dêi pó, laga tơdroăng rêh ối dêi kuăn pơlê kong têa kố phá tơ-ê dêi pó. Hên kong têa châ kơlo mơdêk cheăng kâ hôm, laga ôh tá xê khu mơngế ki lâi tung pơlê pơla xuân châ pơxúa ing mơdêk cheăng kâ. Tơdroăng klâ pơrah khu kro mơdro\ng, khu kơtiê rế hía rế tâk hên pơla mâu khu ngế [a\ pơla mâu kơpong, cho xiâm kối dêi tơdroăng ki tá hâi châ môi tuăn [a\ chiâng ai hơkăng tung pơlê pơla.

Vâ ‘mâi rơnêu tơdroăng ki tá hâi tro tung vê hdró mơnhông cheăng kâ, pôa Nguyễn Xuân Phúc, Ngế pro xiâm hnê ngăn tơnêi têa tối ăm ‘nâi, tung tơbleăng mơnhông mơdêk kuăn mơngế, Tơdroăng mơnhông Khu lâp kong têa UNDP tối rơdêi ‘’pơkâ má môi cho rak kuăn mơngế cho xiâm kối dêi tơdroăng mơnhông mơdêk’’ [a\ tơdroăng mơnhông mơdêk kuăn mơngế HDI mơjiâng ing mê. Laga, tuăn tơmiât mơnhông mơdêk ôh tá xê to tơdroăng pơkâ ki tơtro hiăng kêi đeăng tâi tâng, mê cho troăng pêi ki pơtối vâ kêi đeăng:

‘’Troh nôkố, Việt Nam đi đo môi tuăn [a\ troăng hơlâ mơnhông cheăng kâ [a\ hlối rak vế kong prâi, tơmiât troh pơkâ ăm mơnhông tơtêk krá tơniăn. Xua mê, 17 tơdroăng pơkâ xiâm tung mơnhông mơdêk krá tơniăn dêi Khu lâp kong têa cho ki mơhno troăng pêi cheăng ton xo\n vâ Việt Nam mơnhên troăng pêi hơ’lêh dêi tơná, hlối pêi mâu pơkâ mơnhông mơdêk krá tơniăn tung mâu pơkâ. Việt Nam loi tơngah kô châ tơ-[rê thăm ó tâ nếo kâi pêi pro kêi mâu pơkâ mơnhông mơdêk krá tơniăn pơla hdrối hơnăm 2030 dêi Khu lâp kong têa hiăng pơkâ’’.

Môi tuăn [a\ mâu tơbleăng [a\ pơkâ thế, pơkâ ‘na mơnhông mơdêk krá tơniăn, Ngế pro xiâm hnê ngăn tơnêi têa tối rơdêi, mơnhông mơdêk krá tơniăn cho pơkâ tu\m têk, ôh tá xê to hnoăng dêi mâu khu xiâm, kơvâ cheăng, môi kơvâ cheăng, ôh tá xê to tơdroăng cheăng kâ, tơdroăng mơdêk, mê tá tơdroăng pơlê pơla, kong prâi, mơhno túa le\m tro, kuăn mơngế, kal môi tuăn tá ki hlê ple\ng [a\ tơdroăng pêi dêi mâu râ, mâu kơvâ [a\ lâp pơlê pơla.

Ngế pro xiâm hnê ngăn tơnêi têa tối nhên, pơkâ hơ’lêh cheăng kâ, hơ’lêh tung mơ’no ivá pêi cheăng, pro tơ’lêi hlâu ăm kuăn pơlê mơnhông mơdêk ivá dêi tơná, [a\ tơdjuôm ivá mơjiâng pro pơlê pơla kro mơdro\ng, krá tơniăn. Xiâm kối dêi hnoăng cheăng kố cho tơdroăng mơ-eăm hơ’lêh tíu tê mơdró, mơdêk ivá tơbriât cheăng.

Chin phuh kô pro tơ’lêi hlâu vâ mơnhông mâu tơdroăng ki rơkê, kêi đeăng tiô mâu troăng hơlâ vâ mơhnhôk mâu tơdroăng hriăn ple\ng [a\ mơnhông mơdêk, xúa khoa hok, hnê kơmăi kơmok, mơnhông kơchơ tê mơdró [a\ hơ’lêh nếo tung tê mơdró kế tơmeăm khoăng hriăn ple\ng.

Tơkêa rak vế pêi châ tơ-[rê hnoăng pơkuâ kế tơmeăm khoăng [a\ tuăn tơmiât. Kêi đeăng tu\m tơdroăng tăng cheăng pêi, mơhnhôk [a\ pêi pro mâu tơdroăng tơmiât tăng cheăng pêi, tơmiât rơkê, ki rơhêng vâ tối [a\ rơxông nếo, hok tro sinh viên, droh rơtăm thôn pơlê:

‘’Chin phuh tơkêa rak tơniăn tơdroăng kum ăm châ hriâm tâp [ă  rêm ngế kuăn ‘ne\ng kuăn pơlê, tơkêa ôh tá lôi kơbố ối pá ro\ng  xua ôh tá tơ’lêi châ hriâm tâp xêh, pơtối tơmâng to\ng kum hên tâ mê nếo tung hnê mơjiâng mơngế ki rơkê [a\ ai ivá pêi rơkê ‘nâi roh ki tơ’lêi vâ re\ng pêi’’.

Pôa Nguyễn Xuân Phúc, Ngế pro xiâm hnê ngăn tơnêi têa xuân pơkâ thế, mâu khu xiâm, kơvâ cheăng kong pơlê pơtối pêi pro tơdâng tơ’mô mâu túa mơdêk pêi lo, mơdêk ivá tơbriât cheăng, mâu ngế ki rơkê [a\ thăm ăm châ hriâm cheăng [a\ kơmăi kơmok roh má 4.

Rơtế dêi pó tơru\m cheăng mơjiâng luât pêi krá tơniăn, môi tơdroăng cheăng kâ tiô troăng xah ho#i chuh ngiah mơnhông mơdêk, môi tíu rêh ối tơniăn le\m, pơlê pơla mơnhông tơtêk tơdâng tơ’mô [ă kro mơdro\ng./.

A Sa Ly tơplôu [a\ tơbleăng