VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa ƀă khu kăn Chin phuh hiăng pêi cheăng ƀă kăn xiâm kong pơlê Hưng Yêh ‘na tơdroăng mơjiâng Đảng, tơdroăng mơnhông cheăng kâ, rêh ối ƀă tơdroăng mơjiâng Đảng hơnăm 2021; troăng rơhlâ, tơdroăng cheăng pêi hơnăm 2022. ‘Na troăng rơhlâ tơdroăng cheăng pêi tung la ngiâ, pôa Phạm Minh Chính pơkâ thế: Kal mơ-eăm pơ’lêh nếo, hriăn plĕng ki nếo, mơnhông tâi tâng, rĕng ƀă krá tơniăn, mơnhông cheăng kâ ƀă kơmăi kơmok ki dâi lĕm, kơmăi kơmok ki pơxúa, túa nếo.

Mơnhông cheăng kâ rêh ối rơtế ƀă pơtối rak vế khôi túa, vêa vong tiô khôi hmâ roh ton nah ki lĕm tro ƀă rak vế hyôh kong prâi; tơleăng mơnhên klêi mâu tơdroăng ‘na rêh ối pơlê pơla. ‘Na hbrâ mơdât COVID-19, pêi pro tiô troăng rơhlâ hmâ tơniăn, ƀĕg ƀeăn, séa ngăn tơ-ƀrê pơreăng COVID-19. Pơtối mơdêk hnê tối kuăn pơlê rak vế pêi pro tro tiô 5K; ôh tá tơngôu, tơkŭm pêi tro tiô pơkâ pâk vaccine.

Gương tơplôu ƀă tơbleăng