VOV4.Xơ Đăng - Kơxo lơ 19/12, pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă khu râ kăn pơkuâ xiâm pơlê kong kân Hải Phòng ‘na tơdroăng mơnhông cheăng kâ, rêh ối pơlê pơla hơnăm 2021 ƀă troăng pêi cheăng ton xŏn, hnoăng cheăng mơnhông mơdêk cheăng kâ, rêh ối pơlê pơla hơnăm 2022.

Tâi tâng a roh pêi cheăng

Xông tơpui mơgêi a roh pêi cheăng, pôa Phạm Minh Chính mơnhên, khĕn kơdeăn mâu tơdroăng mơ-eăm dêi khu râ kăn pơkuâ cheăng Đảng kong pơlê, khu râ kăn pơkuâ, khu lêng kuăn pơlê dêi Pơlê kong kân Hải Phòng ƀă mâu tơdroăng ki kal hiăng châ tơƀrê, veăng kum hên tung tơdroăng tơdjuôm dêi lâp tơnêi têa. Tơdrêng amê, Ngế pro xiâm hnê ngăn tơnêi têa xuân tối nhên 10 troăng pêi kal pêi pro tung la ngiâ, apoăng, thế hlê plĕng pêi pro ƀă pêi pro kơtăng, păng ‘nâng, châ tơƀrê Pơkâ hneăng hôp má XIII dêi Đảng, Pơkâ 45 dêi Khu xiâm kal kí, Pơkâ 35 dêi Kuô̆k hô̆i, pơkâ dêi Chin phuh ƀă Pơkâ hneăng hôp Đảng ƀô̆ pơlê kong kân.

A Sa Ly tơplôu ƀă tơbleăng