VOV4.Sêdang - A hneăng hôp mơ’no tơdrêng tung um tivi, rơ’jíu lâp tơnêi têa ‘na kring tơniăn khu pơkuâ cheăng a hâi lơ 15/5, pôa Nguyễn Xuân Phúc, Ngế pro xiâm hnê ngăn tơnêi têa tối nhên, pú hmâ lâp plâi tơnêi khe\n kơdeăn tơdroăng mơnhông mơdêk cheăng kâ-rêh ối pơlê pơla dêi Việt Nam, tơmối ôm hyô [a\ khu mơ’no liăn cheăng troh a Việt Nam pêi cheăng kâ rế hía rế kơdrâm cho kơnôm kring vế krá tơniăn. Laga, mâu tíu ki tá hâi tơniăn ối iâ a mâu kong pơlê, la khu ki tăng troăng vâ ‘nhê tơnêi têa, ‘nhê Đảng, plâ Tơnêi têa dế pro pơlê pơla ối tô tuăn păng ‘nâng. Rơtế amê cho tơdroăng mơngế pro xôi, mâu ngế xôi xúa kơmăi kơmok chal nếo, tơdroăng ko ‘nhê kong, hrik xo prêi ôh tá tro luât, tê hên túa kế tơmeăm khoăng dế pro tơdjâk troh tơdroăng rêh ối tơniăn le\m dêi kuăn pơlê. Ngế pro xiâm hnê ngăn tơnêi têa pơkâ thế mâu kong pơlê thế séa ngăn, tơleăng kêi đeăng tơdroăng mâu roh tơxup tơbriât tơnêi tíu, chiâk deăng, săm tối, săm phoăng, kal athế rak tơniăn, pro pơxúa ăm tơnêi têa, khu mơ’no liăn cheăng [a\ kuăn pơlê, ôh tá ăm mâu ngế ki ‘mêi tăng troăng châ  pơloăng, pơlông djâ, mơhnhôk pro troăng ki ‘mêi. Mâu khu cheăng tơru\m krá tơniăn [a\ mâu kong pơlê tung tơdroăng rak tơniăn kring vế, tơdrêng amê, pêi tơtro tơdroăng mơhnhôk hnê kuăn pơlê.

A Sa Ly tơplôu [a\ tơbleăng