VOV4.Sêdang - Pơtối pêi pro tiô mâu tơdroăng ki mơhnhôk khu mơdró kâ veăng ‘no liăn tung hneăng lăm pôu păng ‘nâng a kong têa Nhuk, kơhâi dế lơ 5/6, pôa Nguyễn Xuân Phúc, Ngế pro xiâm hnê ngăn tơnêi têa pin hiăng veăng hôp tơpui tơno [ă mâu khu mơdró kâ kân [ă hnối trâm mâu khu mơdró kâ, tâi tâng kơxo# liăn ki ‘no pêi cheăng roh kố cho hên.

Xông tơpui a hneăng hôp mê, Ngế pro xiâm hnê ngăn tơnêi têa pin tối rơdêi ki tơ-[rê dêi hneăng tơpui tơno, cho roh ki vâ ăm mâu Khu kăn xiâm, mâu kơvâ cheăng dêi Việt Nam tơmâng xo, chúa vế mâu rơkong tơpui, pâ thế dêi mâu ngế ki ‘no liăn mơjiâng pro tơmeăm khoăng ing peăng kong têa Nhuk, vâ ing mê, pro ki xiâm vâ mơjiâng chiâng túa ki to\ng kum mâu tơdroăng ki ối tơvâ tơvân ‘na túa ‘no liăn veăng ‘no mơjiâng tơmeăm. Tơdrêng amê, veăng kum ăm troăng hơlâ vâ tơpui tơno mâu tơdroăng ki tơdjâk troh a Việt Nam.

Ngế pro xiâm hnê ngăn tơnêi têa mơnhên tối ‘ló khât ‘nâng mâu tơdroăng pâ thế tung roh hôp tối tơbleăng mâu tơdroăng ki ai tơdjâk troh thăm mơnhông ‘na tơdroăng tê rôe tơmeăm khoăng tung mơjiâng kơpong kơmăi kơmok dêi Việt Nam; thăm mơnhông ‘na cheăng kơmăi kơmok ki to\ng kum; thăm mơnhông ‘na mơjiâng hngêi pêi cheăng, troăng klông; po rơdâ tơdroăng ki tê ‘ngré kế tơmeăm a mâu hngêi kơchơ ki ai vâ chê 100 rơtuh ngế kuăn pơlê Việt Nam rêh ối.

Nhat Lisa tơplôu [ă tơbleăng