VOV4.Sêdang - Pôa Lê Văn Thành, Ngế pro xiâm phŏ hnê ngăn Chin phuh nếo kĭ tơbleăng pơkâ kơxô̆ 27 hâi lơ 3/10/2021 dêi Ngế pro xiâm hnê ngăn Chin phuh ‘na tơdroăng vêh mơnhông pêi cheăng mơjiâng pro tơmeăm khoăng a mâu kơpong pêi cheăng xúa kơmăi kơmok tung pơla hbrâ, mơdât pơreăng COVID-19. Pơkâ tối nhên pơreăng COVID-19 xông tâ tú hiăng tơdjâk ó troh tơdroăng pêi cheăng – tê mơdró dêi mâu khu tê mơdró, ivá, châ chăn dêi kuăn pơlê.Khu xiâm pơkuâ Đảng, Kuô̆k hô̆i, Chin phuh hiăng tơbleăng hên pơkâ, pơkâ pêi tiô, mơgêi hnê mơhno hbrâ mơdât COVID-19.

Ƀă tơdroăng veăng kum dêi khu cheăng kal kí, mâu khu tê mơdró ƀă kuăn pơlê, troh nôkố pơreăng hiăng chôa ‘lâng châ mơdât ƀă hiăng châ troh tah. Ngế pro xiâm hnê ngăn Chin phuh pơkâ Ngế xiâm, Kăn xiâm pơkuâ kơ koan râ xiâm, Kăn pơkuâ kơ koan ối tung Chin phuh, Kăn hnê ngăn Vi ƀan kong pơlê, pơlê kong kơdrâm ối tung tơnêi têa, mâu khu tơrŭm cheăng ƀă ngế krê ki ai tơdjâk pêi pro Pơkâ kố.

A Sa Ly tơplôu ƀă tơbleăng