VOV4.Sêdang - Kơxo lơ 28/8, Khu ngăn ‘na cheăng kâ–rêh ối dêi Hneăng hôp Đảng má 13 hiăng tơku\m po hneăng hôp tâi tâng xua pôa Nguyễn Xuân Phúc, Ngế pro xiâm hnê ngăn tơnêi têa pơkuâ, ăm veăng hnê tối,  nhên mâu tơdroăng ki nếo pơkâ tung tơdroăng pơtối po ngăn, ‘mâi hơ’lêh, chêh klêi mâu tơdroăng tung hlá mơ-éa ăm tơtro tung tơdroăng rêh ối nôkố.

Hneăng hôp drêng kố vâ pơtối tơmâng xo mâu tơdroăng veăng hnê tối hlối chêh klêi hlá mơ-éa tơbleăng, tung mê, tơku\m tơmâng xo mâu tơdroăng veăng hnê tối dêi mâu ngế tung khu [ă 2 tơdroăng kal. Má môi, ‘mâi rơnêi, chêh tơ’nôm, chêh klêi hlá mơ-éa tơbleăng, malối cho xua tơdjâk pơreăng COVID-19.

Má péa cho mâu tơdroăng cheăng kal pơtối pêi pro tung la ngiâ. Ngế pro xiâm hnê ngăn tơnêi têa tối thế veăng hnê tối nhên a mâu tơdroăng ki kal thế hơ’leh tâng vâ pơchông [ă hdrối nah xua tơdjâk pơreăng tâ tú, tung mê tơdroăng pơkâ mơnhông tơnêi têa, mâu kơpong, mâu kơvâ cheăng, hbrâ ví xía vâ kong prâi pro ôh tá tơniăn, ‘na pơreăng tâ tú, hyôh kong prâi hơ’leh, tăng rế hên mơngế pêi cheăng.

Gương tơplôu [ă tơbleăng