VOV4.Sêdang - Kơxo 29/7, pơkuâ hneăng hôp mâu kăn tung Chin phuh ‘na tơdroăng mơdât Covid-19, pôa Nguyễn Xuân Phúc, Ngế pro xiâm hnê ngăn tơnêi têa tối nhên tơdroăng hbrâ rơnáu, ôh tá tơngôu tung pơla dế ai pơreăng tâ tú rơ-iô. Tiô Ngế pro xiâm hnê ngăn tơnêi têa tối, pơreăng tâ tú rôh kố phá tâ hdrối xua gá hiăng tâ tú troh kuăn pơlê tung hên hâi, la hâi tăng ‘nâi ngế F0, xua mê tơdroăng pơreăng tâ tú rơ-iô, pơtối tâ tú tung iâ hâi, mơni tơ’lêi tâ tú troh mâu tơring cheăm, mâu pơlê kong kân, mâu kong pơlê, pơlê kong kơdrâm tâ tá pơlê kong kân Đà Nẵng.

Pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp

Ngế pro xiâm hnê ngăn tơnêi têa hnê mơhno, Khu xiâm ngăn ‘na pơkeăng pơlât, mâu kong pơlê pêi pro kơtăng tiô kơthô hnê dêi Khu xiâm hnê ngăn, tiô rơkong krếo thế dêi Kăn xiâm pơkuâ hnê ngăn Đảng, Kăn xiâm hnê ngăn tơnêi têa, hnê mơhno tiô tơdroăng dêi Ngế pro xiâm hnê ngăn Chin phuh, khu hnê cheăng.

Kơvâ ngăn pơkeăng pơlât, ‘na liăn ngân [ă mâu kong pơlê kal thế rak  tơniăn ăm ‘na tơdroăng khăm pơlât, malối cho rơxế tơmeăm khăm ngăn mơheăm xuân môi tiah mâu kăn [o# ki tơdjâk troh.

Gương tơplôu [ă tơbleăng