VOV4.Xơ Đăng - Kơxê lơ 30/11, a tíu pêi cheăng Chin phuh pôa Phạm Minh Chính, Ngế pro xiâm hnê ngăn tơnêi têa, kăn xiâm hnê ngăn Vi ƀan tơnêi têa ‘na hơ’lêh kơxô̆. A rôh hôp, pôa Phạm Minh Chính tối nhên, troăng hơlâ pêi pro hnoăng cheăng hơ’lêh kơxô̆ tơnêi têa châ mơjiâng tung 3 tơdroăng ki xiâm: Chin phuh kơxô̆, tơdroăng cheăng kâ kơxô̆, pơlê pơla kơxô̆ hiăng châ mơnhên tung tơdroăng pơkâ hneăng hôp 13 dêi Đảng. Chin phuh, Ngế pro xiâm hnê ngăn Chin phuh đi đo mơnhên mơjiâng Chin phuh kơxô̆ cho môi tung mâu hnoăng cheăng ki kal xiâm.

Kố xuân cho troăng hơlâ ki kal, rế mơdêk tơdroăng ki tơdrăng, tơpui tối leăng dêi Chin phuh, mơdât tơdroăng ki kâ kơluâ, mơhrê liăn ngân; veăng kum mơdêk cheăng kâ rêh ối pơlê pơla, hơ’lêh tơdroăng cheăng tê mơdró, mơdêk ivá tơxup tơbriât, ivá pêi cheăng pơlê pơla ƀă cho troăng prôk tơtro vâ mơnhông tơnêi têa Việt Nam.

Katarina Nga tơplôu ƀă tơbleăng