VOV4.Sêdang - Kơxo lơ 21/8, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp mơ’no tơdrêng tung um tơvi pơla Ngế pro xiâm hnê ngăn Chin phuh [ă mâu kong pơlê, khu xiâm, kơ koan xiâm Tơnêi têa ‘na tơdroăng ‘no liăn ngân mơjiâm tơmeăm khoăng tơnêi têa.

Ngế pro xiâm hnê ngăn tơnêi têa pơkuâ rôh hôp [ă mâu kong pơlê, kơ koan tơnêi têa ‘na tơdroăng liăn ngân ‘no mơjiâng tơmeăm khoăng tơnêi têa

Xông tơpui a rôh hôp, pôa Nguyễn Xuân Phúc tối nếo a hneăng hôp tơpui kơtăn kố ai 1 khế, Chin phuh thế mâu khu xiâm, kơvâ cheăng, kong pơlê mơ-eăm ‘no liăn ngân tâi 630 rơpâu rơtal liăn cho kơxo# liăn ‘no mơjiâng tơmeăm khoăng tơnêi têa. Pak^ng mê, Chin phuh hiăng mơjiâng 7 khu séa ngăn, vâ lăm ngăn tơdroăng mơjiâng pro, kơdroh ki xahpá, mơdêk châ xo liăn ngân ‘no mơjiâng pro tơmeăm khoăng a mâu kơpong, kong pơlê, Khu xiâm, kơvâ cheăng.

Xua mê, mâu kong pơlê thế tối nếo tơdroăng mơhnhôk khu cheăng kal kí veăng tơmâng vâ mơdêk xo liăn ngân mơjiâng tơmeăm khoăng [ă mâu tơmeăm mơjiâng ki kal dêi tơnêi têa, môi tiah pro troăng kân tơdrăng le\m ing peăng Kơnho\ng troh peăng Hdroh, tơdroăng tơkêa bro tơraih tơ-[ai lâp plâi tơnêi Long Thành, troăng kân tơdrăng le\m Mỹ Thuận - Cần Thơ, mâu tơmeăm khoăng xiâm ki ê a kong pơlê.

Gương tơplôu [ă tơbleăng