VOV4.Sêdang - Kơxo lơ 4/9, a tíu pêi cheăng Chin phuh, ing pơkuâ dêi pôa Nguyễn Xuân Phúc, Ngế pro xiâm hnê ngăn tơnêi têa, Chin phuh hôp tiah hmâ a khế 8, mơnhên tơdroăng cheăng kâ, rêh ối pơlê pơla tung pơla kố nah, tơpui tơno ‘na troăng mơnhông mơdêk mâu khế mơ’nui hơnăm [a\ mâu tơdroăng ki xiâm kal ki ê.

Xông tơpui pơxiâm hôp, pôa Nguyễn Xuân Phúc, Ngế pro xiâm hnê ngăn tơnêi têa tối ăm ‘nâi, roh hôp kô tơpui tơno trâu hơngế tâ ‘na tơdroăng cheăng kâ, rêh ối pơlê pơla a khế 8, lơ mâu tơdroăng mơ’no liăn cheăng iâ khế [a\ mâu troăng vâ mơnhông mơdêk cheăng kâ tung la ngiâ. Tối nhên tơdroăng ki mơ-eăm dêi Chin phuh cho pêi pro pơkâ péa xôh rế hbrâ mơdât pơrea\ng châ tơ-[rê [a\ tơku\m mơnhông cheăng kâ – rêh ối pơlê pơla.

Pôa Nguyễn Xuân Phúc, Ngế pro xiâm hnê ngăn xông tơpui a roh hôp

Ngế pro xiâm hnê ngăn tơnêi têa pơkâ thế, mâu Khu xiâm, kơvâ cheăng, kong pơlê pơtối po rơdâ mâu troăng mơhnhôk tơtêk cheăng kâ ó rơdêi tá mơjiâng pro [a\ tơdroăng kal vâ. Pak^ng mê, kal ai troăng hơlâ tăng liăn ngân, troăng pêi vâ mơnhông châ tơ-[rê tâ mê nếo [a\ mâu kơvâ rôe xúa kế tơmeăm khoăng, mơ’no liăn cheăng, tê tơmeăm ngi kong têa ê [a\ xúa mâu túa pêi, troăng pêi nếo tơtro tiô pơkâ mơnhông mơdêk dêi tơnêi têa tung tơdroăng ‘’tiah hmâ ki nếo’’.

A Sa Ly tơplôu [ă tơbleăng