VOV4.Sêdang - Peăng xêi hâi lơ 21/8, pôa Nguyễn Xuân Phúc, Ngế pro xiâm hnê ngăn tơnêi têa hiăng pơkuâ ngăn roh hôp tiah hmâ dêi Chin phuh, tơno tơnêng ‘na troăng hơlâ, hbrâ mơdât  pơreăng Covid-19. Tung roh hôp mê ai mơnhên tối, pơreăng xuân ối pơtối tâ tú ó, la Ngế pro xiâm hnê ngăn tối tiah kố, tơdroăng ki pơreăng tâ tú tung pơlê pơla hiăng chía châ mơdât [ă kơdroh, thăm nếo, hên kong pơlê hiăng hbrâ rơnáu hdrối, malối a mâu tíu xiâm ki tâ tú pơreăng, môi tiah: Quảng Nam, Đà Nẵng [ă Hải Dương.

Pôa Nguyễn Xuân Phúc, Ngế pro xiâm hnê ngăn pơkuâ ngăn roh hôp

Ngế pro xiâm hnê ngăn hiăng thế Khu xiâm ngăn ‘na pơkeăng [ă khăm pơlât, rơtế [ă mâu kong pơlê, pơlê kong kân thăm pêi kơhnâ, krâu khât tâ nếo ‘na tơdroăng cheăng pâk xo mơheăm vâ mơnúa ngăn, tơdroăng séa ngăn mơheăm kal athế rơkê luâ tâ kơ mê nếo, tơdroăng chêh pro hlá mơ-éa thế re\ng, kum tơ’lêi hlâu ăm kuăn pơlê ki lăm séa ngăn mơheăm.

Kơvâ ngăn ‘na pơkeăng kal athế re\ng hlê ple\ng, ‘nâi klê ahdrối ‘na mơngế ki tamo châi ki tơ’lêi tâ tú pơreăng Covid-19, thăm nếo, tá mâu ngế ki xiâm vâ tro tâ, maluâ tơngê iâ tê. Tơdrêng amê, cho tơdroăng ki hbrâ rơnáu mâu pơkeăng, kơmăi kơmok khăm pơlât, malối a mâu kong pơlê kân, pơlê kong kơdrâm kal athế hbrâ rơnáu krâu khât ‘na tơdroăng ki tâ tú dêi pơreăng.

Nhat Lisa tơplôu [ă tơbleăng