VOV4.Sêdang - Kơxê lơ 31/8, pôa Phạm Minh Chính, Ngế pro xiâm hnê ngăn tơnêi têa hiăng troh lăm séa ngăn Hngêi pơkeăng pơlât mơngế tro tâ COVID-19 a Hà Nội ối tung Hngêi pơkeăng Đăi hok Y Hà Nội a bêng Yên Sở, pơlê kân Hoàng Mai, pơlê kong kân Hà Nội ƀă séa ngăn mâu tíu ki tâ tú hên ‘na pơreăng COVID-19 tung pơlê kân Thanh Xuân, Hà Nội. A roh hôp ƀă khu râ kăn pơkuâ pơlê kong kân Hà Nội tơkŭm po klêi kơ'nâi séa ngăn tơdroăng a pơlê kong kân, pôa Phạm Minh Chính tối nhên, pơreăng ối xông tâ tú ó, kuăn pơlê Hà Nội lo a drô troăng kân xuân ối kơdrâm, xua mê Ngế pro xiâm hnê ngăn tơnêi têa tối, dế pêi pro Pơkâ 16 tiah mê cho tá hâi châ tơƀrê.

Ngế pro xiâm hnê ngăn tơnêi têa pơkâ, cheăm bêng thế tơkŭm khăm ngăn tiô hnê mơhno. Thế pêi rĕng, pro kơtăn rĕng, cheăm, bêng tơdah, rak ngăn, pơlât rĕng má môi tâng chiâng, djâ tơdroăng khăm pơlât achê kuăn pơlê má môi, rĕng má môi vâ kơdroh hlâ, ví hâ ho a hngêi pơkeăng, kuăn pơlê xuân hmiân tuăn xua rĕng châ pơlât.

A Sa Ly tơplôu ƀă tơbleăng