VOV4.Sêdang - Kơxo lơ 29/9 a pơlê kong kơdrâm Buôn Ma Thuột, kong pơlê Dak Lak, pôa Nguyễn Xuân Phúc, Ngế pro xiâm hnê ngăn tơnêi têa veăng hôp ‘’ tối ‘na tơdroăng mơdek pêt loăng mắc ca a Việt Nam tung hơnăm mê hía nah: troăng hơlâ mơnhông mơdêk tung la ngiâ’’. Veăng hôp ai mâu kăn xiâm, kơvâ cheăng, kong pơlê tơring [ă mâu kuăn pơlê mâu khu mơdró, rơpo\ng hngêi ki pêi cheăng rơkê kơhnâ  ‘na tơdroăng pêt, uâ pơliê pro, tê plâi mắc ca. Tối 5 hơnăm hdrối, tơdroăng mơdêk pêt loăng mắc ca hâi châ hlo tơ-[rê môi tiah tơdroăng púi vâ. Ngế pro xiâm hnê ngăn tơnêi têa tối kal thế tơpui tơno a hneăng hôp mê cho ‘na tơnêi , pơkâ [ă rak ngăn tơnêi têa ‘na mung hdrê pêt vâ mơngế ki pêt plai mắc ca kô châ krí xo ôh tá xê ăm ai plâi la plâi bú iâ. Ing mê, thế tiâ tơdroăng kơ êng ‘na mơnhông pêt loăng plâi mắc ca hên iâ to lâi ăm tơtro.  Ngế pro xiâm hnê ngăn tối tiah kố, kơ’nâi 5 hơnăm mơnhông pêt loăng mắc ca hâi hlo tơ-[rê,  ăm hlo ối hên tơdroăng tơvâ tơvân [ă tơpui a hneăng hôp mê. Hriâm ing tơmeăm ‘na phái dêi Việt Nam, Ngế pro xiâm hnê ngăn  tơnêi têa tối tiah kố, sap ing apoăng thế tơmâng troh tơdroăng uâ pơliê pro, mơjiâng inâi plâi mắc ca Việt Nam, ing mê ai tíu tê krá tơniăn.

Gương tơplôu [ă tơbleăng