VOV4.Sêdang - Drêng rôh lăm pôu kong têa Pơhlăng, pôa Phạm Minh Chính, Ngế pro xiâm hnê ngăn tơnêi têa hiăng ai rôh trâm mâ ƀă hlối rơrêk tung hiâm mơno ƀă mâu ngế Việt Nam ki ối a kơpong châu Âu, châ tơkŭm po a tíu pêi cheăng teăng mâ Việt Nam a Pơhlăng. Tối tơbleăng a rôh trâm mâ, Ngế pro xiâm hnê ngăn tơnêi têa ăm ‘nâi, pôa tâ hơniâp ro tung hiâm mơno, drêng trâm mâu kuăn pơlê pin veăng trâm mâ lo ing mâu tíu hơngế hngo tung pơla dế ai pơreăng tâ tú rơ iô, ƀă mâu tơdroăng tối tơbleăng tuăn vâ, hnoăng dêi tơná ƀă pơlê xiâm, tơnêi têa, kuăn pơlê.

Ngế pro xiâm hnê ngăn tơnêi têa tối nhên, kuăn pơlê mơngế Việt Nam ki rêh ối a kong têa ê kân rơdêi ai 5 rơtuh ngế, ai tơrŭm krá khât ƀă tơnêi têa. Ngế pro xiâm hnê ngăn tơnêi têa tối, tung la ngiâ, xuân châ Đảng, tơnêi têa púi vâ malối cho kuăn pơlê pin ki rêh ối a kong têa ê pơtối rak vế ki môi tuăn dêi rơpó, hlối rơtế ƀă dêi rơpó ƀă tơnêi têa ki tơná ối, veăng pêi pro tro tiô troăng rơhlâ tơpui kâ, pơkuâ dêi, hên túa, hên troăng tơrŭm tơpui kâ; hbrâ tơrŭm ƀă mâu kong têa tung lâp plâi tơnêi, trâu rơdâ, cho ngế pú cho ngế ki tung khu mơ-eăm, ai hnoăng ƀă mâu kong têa tung lâp plâi tơnêi.

Gương tơplôu ƀă tơbleăng