VOV4.Sêdang - Kơxo lơ 20/6, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa ai rôh trâm khu chêh hlá tơbeăng hơnăm hiăng krâ dêi mâu kơ koan chêh hlá tơbeăng drêng troh leh tơbâ 93 hơnăm Hâi chêh hlá tơbeăng Kăch măng Việt Nam.

A rôh trâm mâ khu chêh hlá tơbeăng, pôa Nguyễn Xuân Phúc tối, Hlá tơbeăng Kăch măng Việt Nam đi đo cho mâu lêng ki xiâm, rak vế pêi pro hnoăng cheăng ki kal  a tíu tơlâ ‘na tuăn mơno, mơhno túa ki le\m tro, ôh tá la lâi pơtê hnoăng cheăng, rế hía thăm rế rơdêi tu\m tơdroăng cheăng, veăng ‘no hên hnoăng tung hnoăng cheăng Kăch măng dêi Đảng, tơdroăng cheăng mơjiâng [ă kring vế Tơnêi têa.

Ngế pro xiâm hnê ngăn tơnêi têa tối ăm ‘nâi, nôkố tung măng pơlê pơla ai hên tơdroăng chêh tối phá tơ-ê ‘na tơdroăng ki hmôu pơtối oh tá ‘ló, tá tro, xua mâu ki ‘mêi hriăn vâ pro tơ’nhiê tơnêi têa xúa tơdroăng loi tơngah, ing mê râ, khu chêh hlá tơbeăng kal hbrâ rơnáu mơdêk hnoăng cheăng hnê tối, vâ tâi tâng rêm ngế hlê tơdroăng ki tro, ple\ng tơdroăng ki ‘ló [ă mơ-eăm tối mơnhên tơdroăng ki ai khu chêh tối oh tá tro.

Ngế pro xiâm hnê ngăn tơnêi têa pơkâ thế Hlá tơbeăng rơtế [ă Chin phuh, mâu khu xiâm, kơvâ cheăng, kong pơlê mơdêk tơdroăng loi nhoăm [ă môi tuăn dêi rơpó tung pơlê pơla pêi pro tro tiô troăng hơlâ dêi Đảng, luât dêi tơnêi têa.

Gương tơplôu [ă tơbleăng