VOV4.Sêdang - Pôa Phạm Minh Chính, Ngế pro xiâm hnê ngăn Chin phuh pơkuâ djâ khu kăn Việt Nam veăng Hôp mơ’no tơdrêng tung măng internet to khu kăn xiâm ASEAN - Australia roh má môi. Kăn xiâm hnê ngăn mâu kong têa tung ASEAN, pôa Phạm Minh Chính, Ngế pro xiâm hnê ngăn Chin phuh tối nhên péa pâ kal mơ-eăm pơtối tơrŭm cheăng tê mơdró, ‘no liăn cheăng ki tro tơdjâk xua COVID-19, mơhnhôk ƀă pro tơ’lêi hlâu vâ khu mơdró châ vêh tê mơdró ƀă dêi rơpó nếo, veăng pêi pro trâu tâ nếo tơdroăng tơrŭm cheăng tung kơpong, mơnhông mơjiâng tơmeăm khoăng ki dâi lĕm, hnê mâu ngế pêi cheăng ăm rơkê hnê ăm mâu kong têa tung ASEAN hlối trâm tơpui tơno ƀă kuăn pơlê pơla péa pâ.

Ngế pro xiâm hnê ngăn tơnêi têa púi vâ Australia pơtối mơ-eăm dêi ASEAN mơdêk kơdroh ki kơtăn hơngế ‘na mơnhông tơ-ƀrê, mơdêk tơrŭm ƀă dêi rơpó tung kơpong tung ASEAN, tung mê ai kơpong kroăng Mekong ing Khu tơrŭm cheăng Mekong - Australia, tơrŭm tơ-rôa mơjiâng khu kong têa tung ASEAN.

Gương tơplôu ƀă tơbleăng